主題:版主教你!對付假新聞, 立即投訴至通訊局

ePrice HK
  • 發表時間:2019-06-22 16:33 收錄檢舉
    半夜三更,版主朋友突然嘩然,某政府部門係佢地嘅官方網站擬似作放假消息,再夜少少,原來某大台新聞幫手,把成件事掉轉來講,有人話,不如投訴去通訊局。有無用?版主話你知。
     

    版主教你!對付合謀假新聞,投訴至 FB, 不如投訴至通訊局

    投訴至通訊局會有乜用

    香港免費電視台,包括無線電視,ViuTV 及香港開電視,都要接受「電視通用業務守則-節目標準」規管,亦要受《廣播(雜項條文)條例》(第391章)、《廣播條例》(第562章)、《電訊條例》(第106章)第IIIA部、廣播牌照的條款及條件約朿。所以,你對呢間電視台不滿,絕對可以投訴。投訴去邊,就係通訊事務管理局 (通訊局)。

    投訴有無用?所有經通訊局關於電視台嘅投訴,都會要由通訊局嘅人員,真人處理 。通訊局會基於法例判斷投訴會否成立。法例嘅嘢,不是版主所熟,我暫時不談。不過,通訊局有不錯嘅透明度,佢地會定期公佈投訴數字及調查結果,雖然可能係一年半載後嘅事,結果亦未必投訴成功,但因為通訊事務管理局會透露到個案投訴數字,其實跟大家呢排申水申汗出去行街一樣,人多係好過人少,至少可以投訴數字量,跟某台說不,一千不夠多,一萬、十萬個投訴,應該會嚇怕佢!

    版主教你!對付合謀假新聞,投訴至 FB, 不如投訴至通訊局
    ▲ 通訊局每月都會出 report 講及處理電視台投訴數字,以 2019 年4月為例,約只有 132 投訴,若六月投訴量大增,大家都知乜事吧。
     

    投訴要寫事實

    我哋睇過投訴表格,其實係要具名,同埋要留電郵地址。我哋建議大家跟翻真實的情況去寫投訴,例如我同步睇其他幾個電視台的同畫面直播或片段,見到更多更詳細的情況,但某名只的講法係咁咁咁,故投訴呢間大台報導,有假新聞或誤導觀眾之類。

    版主教你!對付合謀假新聞,投訴至 FB, 不如投訴至通訊局
    ▲ 通訊局嘅投訴頁面,填好晒就可以傳出比佢地,連email  都唔駛 send。

    相比 Facebook,通訊辦由真人處理,透明度相對高,當然你要做多 D 資料搜集,寫多幾個字,你都唔想大台繼續作新聞,誤導不轉台嘅香港人,做多少少,效果可能出乎意料。

    參考資料及連結:
    大台於 21/6 晚上的報導
    有線新聞同樣的報導
    now 新聞同樣的報導

    通訊局投訴電視台直入頁面
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁