有線寬頻營運總裁昨午出席傳媒活動 夜晚宣佈辭任咁突然?

左定坤 (Cho Ting Kwan) 2020-01-15 13:21 | 科技新知
呢個消息真係好突然,話說尋日版主去完有關有線新聞 OTT App 收費詳情嘅發佈會,當時有線寬頻營運總裁梁淑儀仲在現場有份主持,並且有講過關於新一年嘅目標,而果陣從佢嘅說話中,都唔覺得有乜異樣,點知佢到夜晚就宣佈辭任營運總裁一職,實在是相當突然。

FB.jpg

有線寬頻營運總裁梁淑儀宣佈離任,並於 2020 年 2 月 1 日正式生效;與此同時,有線旗下免費電視「奇妙電視」董事之一的陳永孫,亦被委任成為「奇妙電視」董事總經理,即日起正式生效。最令人費解係,到底呢個突如其來的轉變,是已經處心積累已久的決定,抑或係有其他內幕呢?呢個就係梁淑儀本人自己先至知。對於呢個消息,網友又點睇呢?

最新新聞