網上申請「銅芯 CU MASK」好麻煩 ? 一招免登記攞口罩!

YKer 2020-05-06 11:36 | 科技新知
早上有好多朋友都投訴,話政府免費送的口罩一人一個,但申請呢個口罩真心艱難重重,又要身份證、又要手機收 SMS、又要有住址提供、仲要上網排隊輪後輸入個人資料,真心煩到喊! 咁本 YK 得知一個免登記大法,輕鬆容易取得口罩。到底係乜?

fb.png

只要係香港市民都知道,一罩難求的時期早已過去,市面上口罩要幾多有幾多、合格唔合格的口罩遍地開花,口罩係香港成爲了隨手可得的東西。 政府呢個時候大發慈悲咁派每人一個可水洗重用口罩,有無用就見仁見智,本 YK 就留比專家們做實驗室測試。但既然有一個你唔急用的口罩,但睇落去又很舒服的口罩,自己交咁多稅,唔攞好似好傻咁。

WhatsApp Image 2020-05-06 at 11.22.46.jpeg
▲登入政府提供的申請口罩網站,「所有登記人的香港身份證號碼、出生日期及本地流動電話號碼,以及一個本地收件地址(不接受郵政信箱)」

搞個免費口罩都咁複雜,難爲 D 老人家唔識申請,到時候又要麻煩「福利黨」順手幫長者們申請。 但其實政府咁落力叫大家申請,但又呼籲大家唔好咁早申請,但其實又收埋左一個免登記大法唔講! 有媒體有講,但又無根無據,無政府 SOURCE 可以提供做證明,確實難以令人安心。

免申請的方法係:唔做任何事,繼續等到 6 月 6 日之後就會有。

問題一:「唔做野係度等反而舒服有口罩咁神奇?」
答案:係呀,而且到時候你唔需要填寫麻煩的表格,又唔需要出賣自己個人資料,直接攞個身份證落去郵局就可以攞到免費口罩喇!

問題二:「咁方便的做法,點解政府申請口罩網站又無講呢個方法,係咪你呃人作出黎咋?」
答案:你覺得本 YK 呃你的機會大定政府呃你機會大? 其實兩者都唔大,好似係,只係政府收埋左個隱藏方案係另一邊,申請口罩網站你難搵到。

WhatsApp Image 2020-05-06 at 11.30.26.jpeg
▲ 根據政府的 1823 小精靈,你問佢網上登記唔到口罩,佢就會好誠實咁回答你:「市民亦可選擇於網上登記期限完結後,親身到郵局出示身份證領取口罩,詳情容後公佈。」 

WhatsApp Image 2020-05-06 at 11.29.53.jpeg
▲ 再睇埋 1823 網站的常見問題,拉到最下面就會見到喇,真係好隱蔽喔~

結論
如果你認識長者朋友,又或者對科技操作唔熟悉的朋友,又唔係急住用口罩的話,你可以直接同佢講,等到 6 月 6 日口罩就免費到手,與其令郵差叔叔派到手軟,倒不如大家坐定定等口罩,節省不必要的資源浪費喔 ~

最新新聞