預售超 10 倍認購！杜汶澤 NFT「喱DAO」明日公開發售 你撐唔撐

左定坤 (Cho Ting Kwan) 2022-02-09 22:48 | 科技新知

科技界近年成日都講一個 Terms：元宇宙，連 Facebook 都改埋自己個名叫 Meta，而提到元宇宙，又不得不提一個同佢息息相關嘅東西：NFT，都係近年幾 hit 嘅潮流，就連七仙羽七師傅都支持，話搞得過㗎！難怪有唔少藝人都加入 NFT 行列，推出佢哋自己嘅 NFT，就好似之前我哋分享過杜汶澤出嘅「喱DAO」。佢哋今日宣佈，首批 VIP 預售錄得超 10 倍認購，可以睇得出，有好多香港人都支持杜生，甚至其他藝人好似黃秋生、王宗堯等等，都一齊入手支持！香港人，你又支持咗未呢？

「喱DAO」未來決策人

自杜汶澤一月中宣佈打造娛樂王國「喱DAO」進軍元宇宙，並取代旗下節目製作品牌「喱騷」後，獲得會員及娛樂圈朋友鼎力支持。首批 VIP 預售錄得超十倍認購，當中更不乏娛樂圈中人支持，包括黃秋生、袁彌明、王宗堯等人。按「喱DAO」路線圖所列，100% 嘩嘩蛙 NFT 出售後 12 個月，「喱DAO」正式由嘩嘩蛙  NFT 持有者接管，日後所有決定均由嘩嘩蛙 NFT 持有者投票通過，甚至「喱DAO」CEO 亦會由投票產生，代表現已持有嘩嘩蛙 NFT 等人皆會成為「喱DAO」決策人。

比市面 NFT 更多實際用途

NFT（Non Fungible Token，非同質化代幣）市場交投旺盛，其投資潛力及收藏價值令不少人趨之若鶩。「喱DAO」的嘩嘩蛙  NFT 更創新猷，持有者除了可一同建立去中心化，一個無大台、無主體的娛樂王國外，更可以獲准進入「喱DAO」於元宇宙物業中的 Genius Bar、優先報名參加 Chapman To's Private Night、有權參與投票，決定「喱DAO」日後的娛樂模式等任何決策及持有稀有級別「喱DAO」的地址可獲日後不同系列的 NFT 空投。嘩嘩蛙 NFT 白名單發售及公開發售已定於 10/2 17:00-20:00 及 10/2 20:30 - 翌日 20：00 於 https://latedao.io/ 中展開。