香港貿發局幫手推! 老翻 Galaxy Gear ! 只係正貨八五折!
|
科技新知
老翻 Galaxy Gear「PW305」的主頁和介面都抄足 Galaxy Gear,但冇得安裝 Apps,亦沒有內置相機。主打功能是同步電話簿、手機 Dialer、恐龍戰隊般對著手錶講電話、讀取手機通知和短訊、操控音樂播放和相機拍攝。其他功能還有計數機、日曆、鬧鐘、計時和藍牙手機防盜。版主找來了大陸的功能介紹片段,想了解更多可以睇睇。
至於價錢,版主在 Aliexpress 見到要 209.99 美元(折合 HK$1,630)。部分舖頭賣行貨 Samsung Galaxy Gear 都只係 $1,900 左右,相差兩百幾,冇理由買山寨吧!
此外,香港貿易發展局的網上商貿平台裡,是找到這件產品。根據這個網站表示,貿發局這個網上平台,是幫廠家向中國批發供應商及製造商採購產品,並有更準確、更可靠、更多支援的服務承諾,而資料顯示,放得這個網站的廠家及產品,都是跟鄧白氏公司資料認證,確保公司資料可靠準確。 有齊證書驗證,查核各類證書及資格。 有關廠方符合性檢核,查核環保、社會責任、質量、供應鏈安全等生產範疇。不過,沒有提及有沒有知識產權的保障。虎仔唔係做開中港貿易,唔知放得係貿發局網站的產品代表什麼,我反而想知,若果有香港代理係呢到落左 Order 入貨係香港賣,三星會採取什麼行動,或者唔理?反正抄三星設計的手機,也是一街都係吧。
資料來源:HKTDC