​亞視提早停播! 睇晒八條 Q&A 要睇新免費電視 ViuTV 無難度

Keith Yim 2016-02-29 17:41 | 數碼影音
雖然說亞視永恒,但要結朿也有時。今日亞洲電視宣被清盤,員工全佈被解散,好大機會係明日 1/3 起停播,大家唔可以再透過大氣電波,係電視機睇到亞視嘅節目!唔緊要,等版主教定你睇新免費電視 ViuTV!  由  PCCW 旗下嘅香港電視娛樂,簡單 D 就係 PCCW 系裡面嘅公司,相關服務就係 nowTV,會係 4 月 6 日正式開始接收亞洲電視嘅頻譜,用 ViuTV 呢個台號,為大家提供免費電視服務!想知點睇? 有乜好睇?立即 Click 入來睇睇!

//timgm.eprice.com.hk/hk/nb/img/2016-02/29/24588/keithyim_1_1142_02c01e0aa1a407b8220ebd93ef2392f7.jpg

亞視結束,ViuTV 接上

無論亞視老闆仲肯唔肯出糧予員工與投資,可以肯定,亞洲電視嘅免費電視牌照,會係 4 月 1 日結朿,之後大家唔可以透過大氣電波,係電視機睇到亞視節目。而再見亞視,就會由香港電視娛樂嘅 ViuTV 接捧。咁到底點樣睇 ViuTV?又有乜好睇?我地用 Q and A 方式為大家解答

001:  Q: 亞視玩完,即係無左幾多節目?
A: 亞視仲有節目架咩?可能你覺得已無,但佢地 Hold 嘅台都幾多。佢地結業,代表本港台、國際台、高清亞洲台、深圳衛視、中央電視第一台及舊版不停 Repeat 嘅歲月流聲都會停止服務。

002:  Q: 亞視玩完,我係咪即日睇到 ViuTV
A:  不是,ViuTV 會係四月一日起試播,四月六日起開台。若果亞視提早結朿廣播,大家會有一個月左右時間,無得揀第二個台,只能睇大台,即係 TVB。

003:  Q: 新嘅 ViuTV 又有幾多節目?
A: 新嘅免費電視,台名叫 ViuTV,公司名叫香港電視娛樂,大家可以想像為 nowTV 嘅免費電視版本。但實際上,香港電視娛樂為由電訊盈科 PCCW 透過附屬公司「PCCW Interactive Media Holdings Limited」及信託公司「HKTVE (B Class) (PTC) Limited」及「HKTVE (C Class) (PTC) Limited」擁有。佢地係上年 2015 年 4 月 1 日獲得免費電視牌照,稍後亦得到部份亞視電視使用中嘅數碼電視頻譜,提供免費廣播服務。不過,佢地開嘅台,無亞視咁多。首先,今年 2016  年 4 月 1 日 (6 日正式啟動),佢只會提供一條廣東話中文頻道,英語頻道不遲於明年四月提供,即係話,亞視結朿 ViuTV  係首年都只有提供一個廿四小時廣播嘅中文頻道。

004:  Q: 點睇到 ViuTV? 
A:   無錯,ViuTV 係免費唔駛錢,用電視機就睇得!不過,要 Make Sure 幾件事。首先,你用緊支援數碼地面廣播嘅電視機;第二,就係你個地址收到數碼台。好簡單,只要你部電視睇 TVB 翡翠台,右上角見到 HD 兩個字,即係你部電視機及地址,會收到 ViuTV。第三,你要係電視機重新搜台。呢排 TVB 成日叫你重新搜台,追番明珠台出來,係四月一日起,你做多一次,就會見到多左第 99 台,就係 ViuTV。ViuTV 跟 TVB 翡翠台一樣,以大約 10Mbps 或更高頻寬,提供 Full HD 高清畫質。

//timgm.eprice.com.hk/hk/nb/img/2016-02/29/24588/keithyim_3_1142_b0edcf2e48e707884b08c836ca92ca77.jpg

005 :  Q: 點解我睇唔到 ViuTV?
A: ViuTV 只會透過數碼電視頻道廣播,若果你部電視,屏幕仲係近似四方形個款,即係仲收緊模擬訊號。對不起,亞視結朿,係四月之前,你都只能睇到 TVB 翡翠台及明珠台。亞視係模擬訊號免費廣播,稍後變為由香港電台提供,播放現時數碼頻道香港電台 31 頻道節目,但香港電台,並未公佈代替亞視嘅播放時間表,隨時四月都無睇。

006:   Q: ViuTV 有無新聞節目
A:  ViuTV 會使用 nowTV 新聞台嘅新聞節目,據知晚間重點新聞報導,會安排在八點鐘,不是現時亞視嘅六點鐘,更加適合現時香港人返放工嘅節奏。 ViuTV 亦要跟隨免費電視牌照,提供一定時數嘅兒童、年輕人、長者、文化藝術、紀錄片及時事節目。

007:   Q: ViuTV 有乜娛樂節目
A:根據香港電視娛樂向本地報章透露,ViuTV 本地製作節目主打實況娛樂,包括真人騷,如100 毛《100毛》創辦人林日曦 與立法會議員蔣麗芸到韓國首爾嘅旅遊節目《跟住矛盾去旅行》。ViuTV 亦會製作本地劇集。特別留意 ViuTV 呢個品牌,本身已買下幾間韓國電視台韓劇播映權,而其母公司 HKT 亦跟日本富士電視台簽定協議,稍後提供一線日劇。

//timgm.eprice.com.hk/hk/nb/img/2016-02/29/24588/keithyim_3_1142_e08c41d5fd5d5eefe934e3723460d871.jpg

008:   Q: ViuTV 用繁體中文廣東話嗎?
A:ViuTV 會有兩個台,今年先推出廣東話中文台,會用繁體中文字幕。

nowTV 升級版 Now One 解碼器

睇緊 nowTV 嘅網友,唔知會唔會覺得 PCCW 只會顧攪免費電視,唔記得左個個月俾錢嘅收費電視用戶?其實唔會,係早前 HKT 香港電訊嘅業績公佈,已透露了佢地會推出一個全新嘅機頂盒叫做 Now One。呢款由 Samsung 提供嘅機頂盒,包括支援接收 ViuTV 與 TVB 數碼地面免費電視,亦支援 NowTV、Viu Apps (OTT) 三大應用,以 Android 運作,並支援 True 4K 播放,其他功能包括錄影功能,大約會係四月推出。夾埋免費 ViuTV,雖然亞視不永恆,但今年大家嘅眼睛,都會好唔得閒呀。

//timgm.eprice.com.hk/hk/nb/img/2016-02/29/24588/keithyim_3_1142_294524ef77a2c438694d0556f9573cdb.jpg


OTT 手機煲劇:myTV SUPER
開台! myTV SUPER 你一定要知十五個間題
版主 5 步教你搶!3HK 五萬張免費 5GB 4G SIM 卡
谷客+谷收視 ! TVB + 3HK 聯手 3 月份大派 5GB 免費 SIM 卡
無限上網,變面回歸! 3 香港 推 4G 1Mbps 全月任用
MyTV SUPER 手機計劃登場! 月費 $39 起
力撐 MyTV SUPER! $148 月費包寬頻 + OTT + App 收費電視
光纖寬頻+無限Wi-Fi!「MyTV SUPER」寬頻組合平價登場!
比錢睇大台?學維基、挑樂視 ! TVB Mytv SUPER 月中登場 月費最平 $38
$38 十五條收費頻道任睇! 回答十個 MyTV SUPER 你要知嘅問題

OTT 手機煲劇:NetFlix 使用天書
一個月費,美劇、電影任睇!Netflix 香港版正式啟動
Lycamobile 出動! 平 $13 兼睇有 House of Cards 嘅 Netflix
 

亞視永恒+新免費電視:ViuTV 四月開台

PCCW 推出 Viu OTT 視象服務! 樂視、myTV 有新對手了......
HKT 香港電訊 正式推出 4K OTT 視像內容服務
亞視提早停播! 睇晒八條 Q&A  要睇新免費電視 ViuTV 無難度
網友公投:ViuTV 同 TVB 大比拼! 你會揀睇邊台?
ViuTV 手機搶先看! 多套節目獨家追播! 並配上繁中字幕!
搶睇 ViuTV 新免費台! 網友必記三大日子
OTT 睇片 + 可錄影! NOW TV + 網上行推 all-in-one 4K 盒子!

最新新聞