無法無天!免費睇歐國盃全靠 FB 直播
|
數碼影音
版主虎仔發現有不少 Facebook 專頁都在歐國盃期間開 Live 直播。有直播英國 BBC 電視台的訊號,亦有俄羅斯電視台的畫面,喜歡英文旁述星光熠熠,還是高清畫面悉隨尊便。相對於以前用 Sopcast 串流或網站直播,偶爾會連線不穩定,Facebook 的直播技術穩定很多。昨晚的英格蘭對威爾斯,版主就一直進行測試,途中沒有中斷過,亦不會每隔幾分鐘出現 Loading 的畫面。甚至中場休息時,幾位名宿舒利亞、李奧費甸南傾波經都一樣睇得到。
以往有網站透過 YouTube Live 進行直播,不過往往播放 20、30 分鐘就會被中斷,要留意「走鬼」後的新直播 Link,斷斷續續非常冇癮。由於 Facebook 未有落力打擊,而且直播的 Facebook 專頁會利用不同戶口進行直播,再透過專頁分享直播連結,令打擊更改艱難,所以網民幾乎可以睇足全程。不過 Facebook 直播的解像度非常低,只適合在公司加班或未能趕及回家,在公司電腦或手機平板睇,要真正享受睇波的樂趣,電視直播還是首選。
▲ 電腦瀏覽器睇到,毋須安裝插件,不會有廣告彈出
▲ 清晰度認真麻麻,不過昨晚英格蘭對威爾斯期間無窒過,非常流暢
▲ BBC 有連尼加做主持,再搵舒利亞、李奧費甸南等名宿做嘉賓
▲ 巴利入球的慶祝畫面,版主冇對比過延時幾多,不過串流延時普遍,賭波者未必適合
▲ 用手機 Facebook App 試過全螢幕冇問題,就算冇高清,幾吋螢幕睇應該收貨
▲ 部份專頁還會將曾經直播的影片保留,換句話說想重溫深宵的賽事都可以
▲ 多謝 Facebook 的提示功能,專頁每逢直播都會有提示,隨時體貼過俾錢的服務
▲ 版主朋友搵到播放俄羅斯頻道的泰國專頁,畫面更加清晰,不過就完全聽唔明