其實個軟件係舊年已經出現，屬於 Windows 10 系統內置的免費功能，叫做「影片編輯器」，你唔需要下載架啦，你乖乖地有更新系統就會自動出現。 我呢度會簡單介紹佢如何操作，因為真係太簡單，無任何剪片能力的朋友都適合用，絕對比坊間第三方剪片軟件更簡單，效果更直觀。最重要係正版免費！
▲ 呢個軟件其實內置送的，但聞說係去年系統更新後才出現，叫做影片編輯器，英文叫做「Ying Pin Pin Chap Hey」。
▲ 入去裡面就同你講，有 3D 效果、濾鏡之類，呢堆都係「現代無腦剪片」的標準配備黎。不錯，不錯～
▲ 首先，你將自己所有要變成影片的檔案（包括相片、影片）都選擇好，然後新增成一個 PROJECT。
▲ 講明無腦剪片，已經剪好了！ 當然，最好自己再編輯細節位都可以。
▲ 編輯細節跳到這個界面，左上角係你可以放落去影片的東東，右上角係預覽成品，下方係東東的先後次序以及一些設定調整。
▲ 你又可以調整一下主題濾鏡，鍾意「MK風」又得，扮演「文青」又得，得左！
▲ 要加入文字的話，內置一堆簡易模板比你用。
▲ 唔喜歡都可以隨時換款，有埋即時預覽功能，改乜就睇到乜，非常直觀！
▲ 有唔少網友鍾意玩婚禮大爆炸，呢度都有特效動畫，例如上面咁將火焰拖到任何一個位置都得，佢都會自我燃燒、永不止息。
▲ 做好嗮就輸出變成一條 MP4 格式的影片，你上傳到 Youtube、Facebook 都係輕鬆到金鐘，完。
結論
好野當然要分享啦！ 希望上面幫到需要剪片但唔想用腦的朋友，簡單幾個 CLICKS、拖拖拉拉都可以做到一條見得人的大作～