單邊藍牙耳機開箱: Jabra Talk 35、45、55 滿月實測!

YKer 2018-11-23 20:05 | 數碼影音
好多車主朋友都會問本 YK, 有無乜單邊藍牙耳機好用。但老實講,市面上真心越來越少單邊藍牙耳機,因為所謂「真藍牙」耳機開始當道,一堆堆新品都係一對一對咁樣賣。 如果你都有需要用到單邊藍牙耳機,咁你就要睇睇以下對 Jabra Talk 35、Talk 45、Talk 55 三款耳機的分享!

FB.jpg

為何會用到單邊藍牙耳機?
職業司機會戴超大型藍牙耳機,出出入入打電話全日都係靠佢,除了要求續航力驚人之外,體型和重量都驚人,對於一般家庭車主黎講無需要呢種耳機,簡直係攞苦黎辛。車載小朋友翻學放學、週末出外遊山玩水、返工放工揸車呢類場景,想死就戴一對自閉耳機、想通話內容被仔女 / 老婆知道就用車內藍牙喇叭,正因為要顧及電話另一邊果個、車內老婆仔女、車外複雜萬變的環境,我都需要單邊藍牙耳機呀!

之前見到版主虎仔介紹 Jabra Talk 系列登錄香港,所以我就用一個月時間試用其中的 Talk 35、Talk 45、Talk 55,逐一同大家開箱分享!


Jabra Talk 35:入門款但續航持久
官方說明 Talk 35 擁有雙麥克風技術,提供最長 6 小時通話,待機最長 9 天。而且可以串流手機上的音樂 / GPS 導航,可以與 Siri,Google Assistant 互動。來電播報功能,電量提示都有齊。

P1010076.JPG
▲ Talk 35 樣子很平實,無特殊設計 / 外觀。

P1010077.JPG
▲ 特別賣點盒身已逐一列出。

P1010078.JPG
▲ 入門系列配件有一條 micro usb 充電線,以及耳機本體。

P1010079.JPG
▲ Jabra 文字位置是按鈕。

P1010081.JPG
▲ 電源開關在側面,「紅關綠開」很合理。

P1010082.JPG
▲ 耳機側面配有獨立音量鍵。

P1010080.JPG
▲ 採用 micro usb 充電,屬於市面上最普遍的接口。

P1010084.JPG
▲ 固定大小的耳膠,符合本 YK 的耳道大小,掛耳配件可拆除,但戴住確實更穩固。

P1010087.JPG
▲ 藍牙耳機上有顏色指示燈,但唔明白整黎比其他人睇有乜用。。。

Talk 35 體驗分享
我不否定官方續航力聲稱有 6 小時,因為在我玩足星期一至五,每日都係返工、放工揸個兩小時車,途中講半小時電話,一個星期充電一次都毫無壓力。降噪方面,在某日本七人家庭車內,電話另一方表示通話清楚乾淨,而我聽對方說話的音量是穩定,但如果拖頭車經過,噪音過大依然影響聽辨。Talk 35 佩戴舒適但外型平實,適合本 YK 這類老實人使用,話音清楚簡單易用。


Jabra Talk 45:專業外型、配件多多
呢款 Talk 45 屬於外貌協會副會長,同樣擁有雙麥克風技術,通話時間最長 6 小時,備用時間達 8 天,採用藍牙 4.0 制式。 具備 Siri 和 Google Assistant 互動功能,包括聲控指令,NFC 配對等功能。

P1010089.JPG
▲ 同一個系列自然同一款包裝,Talk 45 樣子確實好型棍!

P1010092.JPG
▲ 賣點一樣寫係盒身一目了然。

P1010093.JPG
▲講到明支持 iOS 和 Android,其實姐係代表玩 Siri 和 Google Assistant 無難度。

P1010088.JPG
▲ 跟機配件多,除了耳機本體、micro usb 充電線外,另備額外兩個耳膠,耳掛都有一大一細兩款,以及一個車充。

P1010099.JPG
▲ 車充 5V / 1A,長期插住係部車裡面,方便隨時充電。

P1010095.JPG
▲ 硬朗的商務風格,藍點一閃一閃,簡直係漆黑中的螢火蟲。「Jabra」文字也是按鈕,兩排孔是收音位。

P1010096.JPG
▲ 機身側面有一個召喚 Siri  /  Google Assistant 的專用按鈕。但實際使用中略嫌不便,皆因本 YK 手大耳機細,要在揸車途中 Click 佢稍有難度。

P1010097.JPG
▲ 電源開關同樣「綠開紅關」,旁邊是充電活門。

P1010098.JPG
▲ Talk 45 同樣採用 micro usb 充電接口。

Talk 45 體驗分享
呢款 Talk 45 係我用得最少時間的一款,只用了不到 5 天。外觀真係無得頂,戴左戴右都係型,小朋友都一致認同。 但為了型,要犧牲舒人體工學的適度,本 YK 耳朵大,但耳道細小,短時間亦難以適應。開車時要按下實體按鈕召喚 Google Assistant 不太理想。 但續航力也是可靠,充滿電後 Talk 45 可以堅持到 Day 5。話音表現跟 Talk 35 相若,但耳機音量偏小,開上高速公路後稍有大型車輛經過,噪音會影響我聽聲,但不妨礙說話,對方依然清楚聽到你講話。


Jabra Talk 55:型與實力並存之選
又要威又要戴頭盔,啊唔係,係有要型又要戴得舒服,Talk 55 可以話係終極方案。採用雙麥克風技術,電池盒 + 耳機配合續航聲稱通話時間達 10 小時 (耳機 3 小時 + 7 小時電池盒)。藍牙 4.2 制式配合 NFC,快速配對無難度。

P1010100.JPG
▲ Talk 55 盒身寫 10 小時續航,其實包括埋電池盒。

P1010102.JPG
▲ Talk 55 係超型! 盒身寫有兩年保養,我依然難以想像耳機保養長過電話。

P1010103.JPG
▲ 賣點多左一個超輕 5.5g 本體,本 YK 對此大加讚賞,戴上去有時候會忘記左佢的存在。

P1010105.JPG
▲ Talk 55 跟機配件有耳機本體組合、額外三大膠、充電線一條,仲有個說明書。

P1010106.JPG
▲ 鵝蛋型的電池盒,裡面就係 Talk 55 耳機。「Jabra」字樣係觸控條,Double Tap 就召喚出 Google Assistant,非常方便。

P1010108.JPG
▲ 電池盒採用 micro usb 接口充電。

P1010109.JPG
▲ 估唔到 NFC 隱藏在這個 Jabra 字樣裡面,打開藍牙 + NFC 後輕鬆啪啪啪,自動連接好。

P1010112.JPG
▲ Talk 55 本體採用金屬接點式充電,放入電池盒就自動充電。

Talk 55 體驗分享
三款 Jabra Talk 系列的藍牙耳機裡面,本 YK 最滿意係 Talk 55,樣夠型,而且輕巧實用。 每次撻車前從電池盒抽出耳機就自動開機,直接放入耳朵聽到一句「Connected」就可以安心上路。

Talk 55 最強悍的地方係配合 Google Assistant,聽電話就「Double Tap」,打電話都係「Double Tap」大叫打比邊個,要查詢路線都係「Double Tap」, 查詢天氣、記錄行程、建立提醒之類都係「Double Tap」搞掂。 停車 OFF ENGINE 後直接將耳機放回充電盒,完。 但 Talk 55 有個缺點,因為人體工學設計的緣故,只適合右耳佩戴,右軚的香港車只能型比交通警睇,老婆仔女係睇唔到的。
 

最新新聞