聽歌 22 小時都無問題！Beats 頭戴耳機大舖限時劈價 $1000，抵？

左定坤 (Cho Ting Kwan) 2019-10-02 17:13 | 數碼影音

多謝 Apple，帶起無 3.5mm 耳機孔呢個「潮流」，令無線耳機需求大大增加。但作為果粉，除非你堅持用舊型號 iPhone，或者淨係用原廠 Lightning 耳機，如果唔係，買返隻無線耳機，係必需的。用得 iPhone，好多人會選擇配 AirPods，但如果鍾意用開頭戴式耳機，Beats 同 iPhone 其實係幾匹配，不過相比起 AirPods 就更貴。而家有大舖將 Beats 無線耳機限時減價 $1000，網友又有無興趣入手呢？睇下文啦！



無錯，今日星期三，唔使問又係衛訊每星期例行嘅限時優惠！而今次減價嘅耳機，係 Beats Studio 3 無線頭戴式耳機，建議零售價 $2888，即日起至 8/10，衛訊即減 $1000 以 $1888 優惠價出售，呢個價同出面細舖差不多，但大舖入手，點都有保證一點。



Beats Studio 3 無線頭戴式耳機，採用了 Apple W1 晶片，具有 Pure ANC完全適應性抑噪功能，而且續航能力超強，聽足 22 小時歌都無問題，再配合埋 Fast Fuel 快充，充電 10 分鐘已經可以頂到 3 個鐘，用 iPhone 又鍾意頭戴耳機，呢隻 Beats Studio 3 就啱哂！網友又點睇呢？