衛訊、蘇寧鬥減價!Apple AirPods Pro 大舖又有新低價
|
數碼影音
好少提衛訊 Online Store,因為平時比較少搞優惠。所以好多時候講到大舖嘅網店優惠,都係集中講豐澤。不過,適逢復活節,由今晚 20:00 起至 4 月 15 日,衛訊就推出限時優惠,將 AirPods Pro 減價至 $1699,包免費送貨,不過就限量 500 部。
不過講返,版主聽聞蘇寧原來都可以做到 $1699 呢個價錢,但方法就比起衛訊麻煩一點,原價 $1799,如果用優惠碼「ICBCoffer50」購買,就可以平 $50,再加埋新會員果個迎新優惠,即做到 $1699 呢個價錢。係就係煩啲,但有心想買的話,如果衛訊搶唔到,叫做多個選擇。
(20:00 更新: 話說蘇寧睇完篇文,知道衛訊有優惠,佢哋就即刻將原價改成 $1688,即係用埋佢優惠碼 + 新會員優惠,可以做到 $1588 𠻹!似乎佢哋誓要同衛訊死過!!!)