無限 loop! 免第三方軟件，YouTube 新增循環播放功能!

左定坤 (Cho Ting Kwan) 2016-01-22 12:33 | 電腦硬件

YouTube 一直都無得俾你直接選取「循環播放」功能，網友如果想重複地聽同一首歌或者睇同一段片，除左手動重播之外，就可能要借助一啲第三方軟件，例如 YouRepeat (Google Chrome 的擴充功能之一)。但係而家唔洗咁麻煩了，因為 YouTube 日前新增左一個新功能，讓你可以無限地 Loop 你中意的視頻!



目前呢個功能只適用於電腦網頁版的 YouTube，你只需要喺你中意的 YouTube 視頻上，按下右鍵，就可以打開隱藏菜單。在隱藏菜單中，你可以見到多左一個「循環播放 / Loop」的選項，當你剔選左呢個功能後，佢就會不斷地自動重播你正在播映的視頻，直至你選擇另一段視頻或者關閉瀏覽器。



當然，YouTube 其實以前都仲有一個「密技」可以做到循環播放，就係喺 YouTube 個網址度加上「repeat」呢個字，例如：「youtuberepeat.com/watch?v=XXXXXXX」，不過唔知各位網友覺得，YouTube 而家新增左呢個新功能，會唔會更方便大家重複播放視頻呢?

來源：Lifehacker | YouTube