防撞防潑水:軍規級 Flip 芒小筆電 ASUS BR1100F 開箱實測!

YKer 2021-06-14 12:20 | 電腦硬件
如果你要攞一部小筆電出街做野,但又要求撞得、操得,最好有齊大部分常用的接口,包括 RJ-45 有線網絡,仲想要有埋觸控芒功能? 香港 ASUS 低調地推出一款聲稱係比小朋友學習用的筆電,但望真少少,小朋友行開啦! 呢部 BR1100F 擺明就係大人的玩具! 五千蚊未想到點用? 睇埋下面開箱實測,你可能會有新決定。

fb.jpg

前言
市場上 11.6 吋筆電產品本來就極少,仲要求呢樣果樣簡直係絕種! 但 ASUS 今次部 BR1100F 具備齊全接口外,造工超級硬淨,有軍規認證,仲有護眼認證,仲有埋觸控筆型號的選擇。 「專爲學童而設,輕鬆遙距學習」,呢種神品應該係「專位學童的 N 展爸爸而設,輕鬆完 Job 嘆咖啡」! 我會逐個項目同大家「高呼」下。

photo6208605900927773658.jpg
▲ 速遞朋友帶來的 BR1100F 真機,一貫 ASUS 簡約的包裝設計。

photo6208605900927773659.jpg
▲ 香港行貨推出的有兩個型號,最大差別係有無屏幕觸控功能,有無支持觸控筆; 而本 YK 手上呢部當然係直接攻頂的觸控版! 

photo6208605900927773660.jpg
▲ 依然是一貫低調的包裝風格,但咪住先! 盒上面係咪有新野? 

photo6208605900927773661.jpg
▲ 原來跟機送官套一個,是麻布觸感的軟袋。

photo6208605900927773662.jpg
▲ 稍後你見到部機就知道點解內夾層無任何填充物料保護,因爲根本無需要! 

photo6208605900927773664.jpg
▲ 真機登場! 跟機除了火牛和說明書外,並無其他配件。

photo6208605900927773663.jpg
▲ 附送的火牛並非流行的 USB-C 接口,而是採用 ASUS 最傳統的 45W 功率小火牛。 

photo6208605900927773668.jpg
▲ 支持單一 19V/2.37A 輸出模式充電;但留意機身支持 PD 充電協議,但必須具備 45W 以上的輸出功率才能爲機身充電,用戶亦需要自行另購 USB-C 火牛。


外觀一覽
呢部 BR1100F 外觀上、外殼物料觸感上都跟本 YK 幾年前大讚特讚的 ASUS 軍規 Chromebook 高度相似,同樣手感優異、揸落去堅固可靠! 有興趣就自己睇翻舊文作對比。

photo6208605900927773669.jpg
▲ 硬朗的造型並非得個樣,而係通過美軍 MIL-STD 810H 測試,包括 120cm 著機跌落測試和 5000 次接口抽插測試!

photo6208605900927773670.jpg
▲ 底蓋一樣相當堅固,見到上下一共 3 段粗粗的防滑膠條;上方超長超大條防滑膠其實亦身兼手柄功能,可以比你更容易揸得住部機。

photo6208605900927773679.jpg
▲ 機身採用模組化零件設計,所以用最普通的十字螺絲批就可以開到底蓋;原裝機體內部已經預留一個 M.2 2280 PCIe 3.0 X 4 插槽,比你最高加一條 1TB SSD 落去! 

photo6208605900927773671.jpg
▲ 機身底部左右各有一個大喇叭;而底蓋和面蓋一律採用 3D 防刮凹凸紋路。

photo6208605900927773672.jpg
▲ 咁硬淨的 BR1100F 當然有一定厚度,2 cm 厚度是包含了四角防撞軟膠。

photo6212820367651745036.jpg
▲ 而機體重量達到 1.4 公斤在 11.6 吋機種黎講,絕對係最重量級的選手,但同樣佢能夠提供的優點係市場上毫無對手!

photo6208605900927773674.jpg
▲ 話到明係齊 I/O 接口:Kensington 鎖、充電口、USB-C3.2 口、USB-A3.2 口、HDMI1.4 口及觸控筆槽;留意翻,呢支筆係主動式觸控筆,意味住需要充電。 但充電方式就係插翻落去個筆槽,15 秒充電提供高達 45 分鐘使用時間,相當簡單。

photo6208605900927773675.jpg
▲ 另一側就有獨立音量鍵、電源開關、3.5mm jack combo、(港行無推出的 LTE + microSD 卡槽)、另一個 USB-A3.2 口及罕見的 RJ-45 有線網絡口;呢部機應該係市面上最齊全接口的新款筆電 ~


內部佈局
photo6208605900927773678.jpg
▲ 機身內部一覽,第一感覺係好似翻到十年前小筆電咁。

photo6208605900927773683.jpg
▲ 我手上的 BR1100F 所採用的是 11.6 吋高清 IPS 觸控屏幕,但屏幕邊框係超級粗,我估係爲了確保在提供觸控功能下能夠通過美國軍規認證;港行同時提供另一款 BR1100C 係非觸控防眩光版。

photo6208605900927773684.jpg
▲ 商務機必備的實體防窺鏡頭蓋,你也可以在這部「小童電腦」上找到;你極少會係筆電身上見到過千萬像素的視訊鏡頭,但呢部 BR1100F 就提供 1300 萬像素鏡頭。

photo6208605900927773686.jpgphoto6208605900927773687.jpg
▲ 屏幕咁厚,四角加入厚實的防撞軟膠;正確黎講係屏幕四條邊都超級厚,軍用機就係呢種看似老套、卻很可靠的設計。

photo6208605900927773685.jpg
▲ 機身屏幕獲得德國萊茵的低藍光認證,留意係需要啓動低藍光模式。

photo6208605900927773681.jpg
▲ 得益於粗邊框屏幕,令鍵盤位有更大的發揮空間,每一粒按鍵都有足夠的面積,想打錯字都無得賴係鍵盤問題喇;而鍵盤的 C 面包括鍵盤、觸控板、手腕枕位都經過 ASUS BacGuard 抗菌處理(ISO 22196 認證);官方仲講到明 BacGuard 支持用酒精清潔產品黎消毒,唔怕塗層、面殼物料損毀!

photo6212820367651745032.jpg
▲ 你睇個鍵帽印字鬼咁大! 大大隻字母印係鍵帽正中央,黑白分明真係好難睇錯;而鍵盤本身具備一定防水潑能力(但唔係防水呀),最高承受 300cc 液體。

photo6208605900927773682.jpg
▲ 觸控板面積在 11.6 吋機種黎講算相當大,基本上能夠使用的上下寬度,都比佢食晒黎做觸控板,而且觸控板塗層亦加強滑動時的流暢度。

photo6212820367651745033.jpg
▲ 話到明係 Flip 芒機,自然支持 360 度旋轉屏幕設計,可以翻到任何角度。

photo6212820367651745035.jpg
▲ 轉軸通過 30000 次屏幕轉軸開合測試,耐用度有翻咁上下信心。

photo6212820367651745034.jpg
▲ 變成平板模式下的 BR1100F 自然亦支持 Windows Ink 功能,放係檯面黎睇片係一流。

photo6212820367651745037.jpg
▲ 以往好醜樣凸晒出黎的墊膠,已經改爲更加低調隱密的設計,結合左係防撞膠邊上,達到保護鍵盤唔易壓爆的效果。


各項性能測試 
規格一覽
官方主打係兒童上堂用筆電,自然規格都唔會好得去邊度,旗艦處理器、旗艦顯示卡肯定唔會有份,套用落 BR1100F 身上都係咁,提供的運算規格都係屬於入門級,但例如802.11 AX (Wi-Fi 6) + Bluetooth 5.0 (Dual band) 2x2 佢都有齊。

而且多左好多你估唔到的功能:包括 Windows 10 Pro 專業版、低光降噪鏡頭、實體 Mute 咪快捷鍵、超大訊號指示燈、AI 音訊降噪功能、功能豐富到無朋友;而實測使用過程足夠上網、睇片、打字、處理 IT 支援工作等等,十足一把萬用瑞士軍刀咁。

螢幕擷取畫面 (2).png
▲ 採用 Intel Jasper Lake 入門級 Pentium Silver N6000 處理器,係今年年初幾個月前新鮮登場,採用 10nm 製程工藝,但並沒有加入超線程技術。

螢幕擷取畫面 (4).png
▲ 四核心只有四線程,不過亦具有 4MB L3 Cache 快取記憶容量。

螢幕擷取畫面 (5).png
▲ 主機板和 BIOS 亦係 ASUS 自家出品。

螢幕擷取畫面 (6).png
▲ 內建 Intel UHD 圖像核顯單元,最高可達 850MHz。

開機速度
螢幕擷取畫面 (1).png
▲ 開機需要高達 29 秒才能完成系統啓動,相當慢速的表現; 再過 23 秒先完成載入程序,以入門機定位黎講,能夠係 1 分鐘內完成啓動都算係咁;主要慢的原因係「Windows Boot」程序。

綜合性能
螢幕擷取畫面 (9).png
▲ 在 Novabench 綜合性能測試中,呢部 BR1100F 獲得 800 分。


SSD 測試
螢幕擷取畫面 (7).png
▲ 呢部 BR1100F 令本 YK 不滿意的地方就是 SSD 部分,嚴格黎講係 eMMC 快閃儲存空間:標示容量只有 128GB,而且面對多工操作環境,會因爲 eMMC 隨機讀寫速度慢而跟唔上本 YK 的手速。

螢幕擷取畫面 (8).png
▲ 果然不出所料,多工隨機讀寫 (4K Q32T1)只有 16mB/s 和 21mB/s 速度;而解決辦法係,官方留了一條擴充 SSD 槽比你(正確方式開蓋加 SSD 不影響保養),用錢解決到的問題就唔係問題了 ~


CPU 處理器性能
螢幕擷取畫面 (12).png
▲ 在 Cinebench R23 測試中,單核心只有 480 分,而多核心只有 882 分,甚至 MR Ratio 都達不到 2x,意味住一係多核心性能嚴重弱化,或者單核心性能太好;答案顯然是前者。

本 YK 係呢度嘗試給一個理由去解釋性能比預期弱的原因:ASUS BR1100F 是靜音無散熱風扇設計,而一旦進行超高性能活動如跑分時,機身散熱無法有效快速地執行,變相處理器會強制降頻,導致系統性能值大幅下降; 意味住 BR1100F 是無法勝任長時間的 CHUR 機的任務。

GPU 圖像處理性能
 螢幕擷取畫面 (13).png
▲ 至於 Basemark GPU 4K Vulkan 1.0 測試中,得分只有 239 分。

螢幕擷取畫面 (14).png
▲ 而在緊接的 Basemark GPU 4K DirectX 12 測試中,得分是相近的 223 分;代表任何稍微對 GPU 有要求的遊戲,你都唔好打算係 BR1100F 身上玩得到喇 ~

電力續航測試
螢幕擷取畫面 (10).png
▲ 官方聲稱續航力最高達 10 小時,實際檢測電池亦有高達 42Whr 容量。

螢幕擷取畫面 (21).png
▲ 在 Full Load 測試中獲得 5 小時的成績,唔算長亦唔算段,而預測可以使用的時間係 10 小時,姐係你正常咁用,佢肯定有 10 小時的續航力,而呢個數據其實同官方聲稱的續航力係相同無呃秤。

螢幕擷取畫面 (18).png
▲ 利用 Chrome 做播放指定的 720p 解析度 Youtube 影片恆常測試中(手動調整亮度最暗、WiFi 隔離),過了 60 分鐘後 BR1100F 剩餘 96% 電量;意味住如果你單係上網睇 Youtube,最高可以達到 24 小時全日續航力! 


結論
齊全 I/O 接口、超級可靠耐用的造工設計、穩定的續航力表現等等,都係市場上無幾多部筆電比到你的優點,而 ASUS BR1100F 優勢係結合細小的 11.6 吋屏幕,用「小型航母」黎形容佢最適合不過。

本 YK 相當欣賞香港 ASUS 最近呢幾年幾積極引入各種不同定位的筆電,除了一般市場全能型筆電外,好似 BF1100F 呢類特種機、Chromebook 等都越來越多,而呢樣卻係其他品牌未觸及的領域。 對用戶黎講,根據自己獨有的需求而選購筆電,越來越多非同質化的機種,先係真正增加選擇。

BR1100F 上面有乜優點缺點已經清楚列出。港行兩個版本,分別建議零售價係 4498 元(無觸控無筆)和 4998 元(有觸控有筆),有朋友話好平、有朋友好貴。 重點在於,BR1100F 提供的優點是否滿足你需要。 對於長時間留在安全環境用機、對耐用度要求不高、對性能要求極致的朋友,呢部機明顯唔係爲你服務。 ASUS 的 Zenbook 和 ROG 電競系列先係你杯茶,而 BF1100F 明顯係軍旅生涯「男人的浪漫」。
 

最新新聞