全港首發試玩盤古 X-MAX 藍牙手柄: PUBG 食雞超輕鬆!
|
遊戲電玩
開箱:非常簡約的包裝
其實坊間已經有唔少藍牙手柄,但我逐一用過玩 PUBG MOBILE 效果不佳。後來發現一款大陸剛剛正式賣街、香港都未有得賣的藍牙手柄,售價約 220 元人民幣,本 YK 就直接係某寶跨境送貨黎香港。 呢個已經係幾個星期前的事了,今日我已經玩左 X-MAX 手柄好耐,所以先夠膽同大家分享下。根據官方客服所言,本 YK 係首位來自香港的訂單,所以我都算係香港第一人。
但事先聲明,本人絕不建議大家買 X-MAX,一來貴,夠膽賣兩百零人仔絕對係水魚價費;二來我認為屬於作弊器,對其他遊戲玩家唔公平,呢類咁殘忍的事,只能由我為大家操勞。
▲ 硬紙盒包裝,寫住「盤古 X-MAX」由 HANDJOY 出品,其實我唔熟呢方面,品牌名聽都未聽過。
▲ 需要安裝獨立的遊戲大廳,其實姐係映射軟件,寫住 iOS 同 Android 系統都支持,但官方在 5 月 7 日發稿指暫停支持 iOS 版 PUBG MOBILE。反正本 YK 可以免 Root 跟指示輕鬆下載 + 設定 X-MAX 手柄,Android 玩到就得啦。
▲ 一打開盒就見到真身,塑膠感強烈,黝黑的蘑菇躺在那裡,等我大顯身手;左邊的小紙盒放著 micro-usb 線材,比你為手柄充電。
▲ 呢度就係充電口,幫旁邊係電源開關;造工麻麻,接口位同玩 3D 打印差唔多感覺。
▲ L1 和 L2 按鍵,加上蘑菇就是全部可操控按鈕了。
▲ 手柄後後背有快捷安裝教學,左右兩邊就有軟膠位承托你的手指,操作時會更舒服。
▲ 拉開中間彈弓設計,最大支持 165mm 以內機身長度的手機。
▲ 開著手柄就會有藍燈,樣子看起來很不錯;官方聲稱採用藍牙 4.0 以及新一代 H2+ 晶片方案,做到無延遲操作。
▲ 立刻安置我部手機落去,GOOD FIT 無得頂! 揸上手還算可以,舒服不刮手,但塑膠感依然強烈。
▲ 你要知道 X-MAX 係單邊手柄,也就是說右邊是沒有任何按鍵,你要自己在屏幕上滑動。
▲ 官方聲稱採用 ALPS 蘑菇,我真心唔識分,反正順滑流暢就收貨;配合 150mAh 聚合物鋰電池,打幾個小時 PUBG MOBILE 毫無難度。
▲ 右邊就要靠觸控屏幕進行瞄準,呢個設計我非常欣賞,因為我試過真係觸控瞄準最準!
實片測試:流暢爽快、食雞飽到嘔
示範玩 PUBG MOBILE 之前,要先去 HANDJOY 官網下載一個叫做「直玩」的 App,安裝後根據指示設定,一分鐘就搞好。但本 YK 要提醒買左的網友,除了儲存空間呢個權限外,其他權限 OFF 嗮都毫無問題。然後透過 App 打開遊戲,就可以玩嚕~
▲ 睇片一目了然,記得開少少聲~
結論:毒家發燒友可以一戰
主要係價錢問題,X-MAX 得半邊操控、三粒按鍵,但夠膽賣到同人地「左右蘑菇十字」型號一樣價錢,料就肯定唔值,但勝在市場上未見同類產品,黑鯊果款暫時仍然係自閉手柄,要全通用就得 X-MAX。 如果你係 PUBG MOBILE 毒家發燒友,而且良心過意得去咁樣贏隻雞翻黎的話,咁 X-MAX 應該係你目前最佳的方案,你贏唔到肯定係你個人問題。唔知香港會唔會有代理入行貨呢?