武漢肺炎影響中國工場生產 + 運輸!任天堂 Switch 處於貨源短缺狀態

左定坤 (Cho Ting Kwan) 2020-02-06 16:29 | 遊戲電玩
好笑,尋日因為一個錄音,有條友話自己係做運輸,嚟緊大陸無紙巾落,叫人去買定紙巾喎。錄音一出,惠康、百佳、藥房,廁紙、紙巾瘋狂搶哂,實在太誇張。其實,廁紙又唔係得大陸製造,仲有其他國家如台灣等,就算消息係真,又有乜好怕?何況係假。而呢個時候任天堂唔知有意定無意,發文章表示因為武漢肺炎影響中國工場生產 + 運輸,Switch 都受到無何避免嘅影響喎,又會唔會引發一輪 Switch 搶潮呢?XD

FB

任天堂 Switch 發出的文章如下:

感謝各位對本公司的愛顧和支持。

受現正出現的2019新型冠狀病毒(2019-nCoV)疫情影響,將對在中國工場生產的Nintendo Switch 主機及Joy-Con等周邊設備等之製造及運輸將造成無可避免的影響。此外,現在處於貨源短缺情況的Nintendo Switch《健身環大冒險》之運輸也會受到影響而延遲。 對顧客造成不便,本公司深感抱歉。

我們會密切監察2019新型冠狀病毒之情況,儘快將商品送至顧客手中,感謝各位顧客之理解。


原來,除咗中國工場生產嘅 Switch 主機及 Joy-Con 等周邊設備受影響之外,就連貨源短缺的《健身環大冒險》的運輸亦因此而延遲。死啦,會唔會因此連 Switch 都畀人搶哂呢?要拿拿聲入返十部八部 Swtich 返屋企,「積穀防饑」至得喇! (#曲線要講明) 我不依

P.S. 唔好留言「2 盒 thanks」,版主自己都係得一盒咋 sad

來源:任天堂

最新新聞