二合一鍵盤戰士！客廳專用 Logitech K400 Plus 無線鍵盤開賣

YKer 2015-07-17 15:23 | 筆電週邊

有無網友同我一樣買左個電視盒子比部大電視用？ 但有無發覺又要鍵盤又見滑鼠好麻煩？ Logitech K400 Plus 既二合一無線鍵盤正正解決到呢個煩惱。皆因鍵盤身上同時內建整合式觸控板，定價港幣 349 元，可以話係客廳型專用機既選擇之一！



Logitech K400 Plus 好既地方在於採用貼近傳統鍵盤既佈局配置，配合整合式觸控板，安坐在沙發上都可以輕鬆打字上網。而且鍵盤上有快捷鍵，例如返回上一頁、調校音量、直接回到主頁、在應用程式中自由切換及搜索文字等，更切合多媒體電視盒子既需求。透過專用 USB 接收器連接裝置，K400 Plus 既無線訊號範圍達到 10 米，電池壽命長達18個月，長時間放係客廳都無問題。


▲ 呢個鍵盤支援 Windows 和 Android 兩大主流系統外，仲支援 Chrome OS！