Linux Pear OS 「重出江湖」? 仲推出左新版添!
|
作業系統
一個葡萄牙嘅開發者最近在 SourceForge 網站上上傳左新版 PearOS 嘅 ISO 鏡像。佢話佢用 Pear OS 已經用左好多年,直到而家佢都仲用緊,不過佢表示佢想整個最新版本作為佢個人用途。於是乎佢就將 Ubuntu 14.04.1 LTS 嘅作業系統修改到同 Mac OS X 個桌面差不多咁,並加入左一啲比較常用嘅應用,例如 Firefox 瀏覽器、VLC 媒體播放器、Libre Office 等等,最後就形式左呢個最新版本嘅 PearOS。
以下會有一啲 PearOS 嘅介面俾大家睇下:
▲ PearOS 係由 ubuntu 14.04 LTS 修改而成。
▲ 成個界面同 Mac OS X 差不多。
▲ Mac 機嘅「關閉」、「縮到最底」、「放大」嘅按鍵係喺左上角,但 PearOS 就相反,喺右上角。
▲ 連「文件夾」個頁面都同 Finder 差不多。
▲ 你會唔會覺得自己好似用緊 Mac 機呢?
大家有無留意到一樣野,葡萄牙開發者推出嘅作業系統叫 PearOS,但以前正版嘅作業系統叫 Pear OS,中間係相差左一個空格。據消息,呢個 PearOS 目前已經俾一間不知名公司收購左,唔知佢會唔會因為個名嘅相似,而惹來法律問題呢?
值得留意嘅係,因為呢個 PearOS 係由葡萄牙人整出黎嘅,所以佢嘅預設語言都會係葡萄牙文。不過咁,你都可以將佢嘅語言改番做英文或者其他語言,以方便你使用! 如果你係用緊 Linux,又中意 Mac OS X 嘅界面,想試下呢個 PearOS 嘅話,可以上 SourceForge 下載!
來源:Softpedia