兩千蚊送鍵盤! 超高清靚芒 Chuwi Hi9 Plus 通話平板開箱

YKer 2019-01-06 16:07 | 網絡消息
大陸平板市場總係叫人驚喜十足,雖然往往都係又愛又恨,但 本 YK 不得不佩服佢地的創意,以及價錢優勢彌補 Android 平板市場的選擇。今次同大家開箱試玩的係馳爲 Chuwi Hi9 Plus, 10.8 吋 2.5K 高解析度 IPS 靚芒,還支持雙卡雙待的通話 + LTE 上網,跟機有原廠鍵盤套,賬面規格睇可算係不錯的  Android 移動辦公方案。立刻睇下係咪真係咁正? 

fb.jpg

開箱一覽:靚芒係皇道!
本 YK 一路都有玩開大陸平板,而且係專門挑選所謂的「精品」黎玩,近年質素是越來越高,價錢依然算吸引,是很不錯的玩具選擇。Chuwi Hi9 Plus 最吸引係 10 吋 2.5K 大芒,大陸平板因爲成本問題,一般不會採用真全貼合屏幕技術,總會有一層層空氣層,導致視覺效果不佳。但 Hi9 Plus 個芒很不錯,香港行貨定價 2080 元送一個原廠鍵盤,如果放棄鍵盤可以平少少 1880元。

IMAG7247.jpg
▲ 簡潔外盒,只有一個 「CHUWI」字樣和行貨的識別貼紙。

IMAG7248.jpg
▲ 盒側面列明係 LTE 平板,運行 Android Oreo 及含 Google Play 服務架構。

IMAG7249.jpg
▲ 跟機配件只有 Type C 數據充電線一條以及卡針一個,剩餘的就是說明書和保養卡。

IMAG7257.jpg
▲ 本身貼了芒貼、以及一張透明的介紹貼( 我玩左一輪再貼上去所以有氣泡~),買呢部平板絕對係爲了 LTE 通話、大靚芒以及鍵盤!

IMAG7251.jpg
▲ 鍵盤係另外一個盒,只有黑色一款,實際上係深灰色。

IMAG7252.jpg
▲ 鍵盤外皮的手感跟 iPad、Surface Pro 系列等大品牌的差不多。

IMAG7253.jpg
▲ 採用金屬接點 + 磁力的連接方案,對比藍牙方案好處係反應快及不需要額外充電。

IMAG7254.jpg
▲ 攤開全貌是這樣。

IMAG7256.jpg
▲ 按鍵並沒有任何 BAD FEELINGS,但呢類薄身的鍵盤套你唔好預期佢手感會飛天。

IMAG7261.jpg
▲ 真機現身!  Hi9 Plus 呢塊 2560 X 1600 解析度 IPS 屏幕,10.8 吋密度都夠高,而且顏色溫潤不刺眼、長期睇 AV (ACTION VIDEOS)都毫無問題!

IMAG7263.jpg
▲ 大日光下肯定會反光,但驚喜係竟然仲可以清楚睇到個芒的內容,屏幕絕對係 Hi9 Plus 的優勢!

IMAG7264.jpg
▲ 邊框不算太窄身,但叫做跟上潮流「四邊均勻」的寬度,剛剛好足夠一個大拇指的空間,比你手持免誤觸屏幕。

IMAG7268.jpg
▲ 機身底部是金屬接點 + 磁力扣;可以見到其實 Hi9 Plus 厚度不算厚。

IMAG7267.jpg
▲ 機身側面是音量鍵和電源鍵,反饋感清脆;旁邊還有一個收音孔。

IMAG7269.jpg
▲ 機身頂部有 3.5mm 耳機孔、卡槽位、Type C 數據 + 充電接口。

IMAG7270.jpg
▲ 卡槽是採用三選二方案,兩張 SIM 或者 1 SIM +  1 micro-sd 卡。

IMAG7271.jpg
▲ 機身上下雙喇叭、打橫就會變成左右雙喇叭,音質還算可以;機背非常吸引指紋,如果介意的話都無辦法。

IMAG7272.jpg
▲ 又有一張行貨貼紙;Hi9 Plus 支持 5V / 2A 普通快充。

IMAG7277.jpg
▲ 合體!樣子像 iPad Pro 一樣只有固定的傾斜角度。

IMAG7278.jpg
▲ 根據 iPad Pro 的使用經驗,這類方案只適合有平面的地方使用、如座檯、地板等。

IMAG7295.jpg
▲ 鍵盤套摺疊的方法有點奇怪,鍵盤和套需要 FOLDED 完再 FOLDED, 最後會變厚左~

IMAG7291.jpg
▲ 遠睇都唔多發覺鍵盤套特別厚。


性能實測:LTE 流動睇片專機
Hi9 Plus 採用 MTK X27 10 核心處理器、配合 4GB RAM  + 64GB ROM,預載公版 Android 8.0,配合 7000mAh 電量,又可以選擇用 LTE 或 2.4GHz / 5GHz 雙頻 WiFi 上網。咁究竟實際用落又係點樣? 跑分性能又如何呢?

Screenshot_20181219-103739.png
▲ 一開機就有更新,好難得鍵盤大陸平板竟然有更新,堪比「太陽由北方升起」一樣。

Screenshot_20181219-103958.png
▲ 更新完版本依然 8.0,安全包是 2018 年 6 月。。。 MTK 平板當玩具算係咁。

Screenshot_20181219-110929.png
▲ 安兔兔跑分 106212 分,分數其實唔弱,仲好過我部愛機!

Screenshot_20181219-111955.png
▲ GeekBench 4 單核:1759 分,等同高通 835 機水平;

Screenshot_20181219-111958.png
▲ GeekBench 多核:4614 分,都有超於 S821 處理器的水平。

Screenshot_20181219-111313.png
▲ 但 ROM 的讀寫速度比較弱,最最最重要的隨機寫入速度驚人只有不到 9MB/s! 難怪整體操作體驗總有一種說不出的遲滯感,玩落反而無我部神板 Tab 4 8 Plus 順。

Screenshot_20190104-102159.png
▲ GeekBench 續航測試跑足 9.5 小時,但奇怪是 X27 的處理性能只能完成 7 成工作。

Screenshot_20190104-102214.png
▲ 續航分數尚算不錯,達到三星 S8 的 S835 版續航水平。


日常體驗分享: 鍵盤設計有遺憾
回想去年我興致勃勃想試玩呢部 Chuwi Hi9 Plus,用途一是希望能夠找到一部具備原裝鍵盤輸入的 Android 平板,作為簡單文字輸入工作機;用途二係希望買部靚芒 Cheap 機比家中老母裝大陸 App 睇大陸片。兩個星期的體驗中,Hi9 Plus 只能勝任用途二。 WHY? 下面解釋。

IMAG7283.jpg
▲ 鍵盤其實很好打,每個按鍵的面積不會太小, 也有獨立的功能列。

IMAG7282.jpg
▲ 用鍵盤時候要觸控屏幕,距離和位置也不會太遠,但如果是 4:3 的高度就比較困難。

IMAG7284.jpg
▲ 但,點解左上角會係 HOME 按鍵啊! 應該係 BACK 才對,因為 BACK 可以做到 HOME 的功能,相反就不行! 所以絕大部分的 Android 鍵盤、Chromebook 鍵盤都會設計成 BACK 功能,變相下下都要摸個芒。

IMAG7285.jpg
▲ 但我到宜家都看不透個 Fn 按鍵有乜用途,值得一讚係有 DEL 也有 Back Space!

IMAG7289.jpg
▲ 最後黎一張大腿上機圖,個芒真係少有地靚。


總結:買單機已足夠
「愛不惜手」係我玩呢部機的結論:電量足夠待機不錯,喇叭聲夠大唔拆,最緊要有 LTE 隨時大芒睇 NBA 球賽。 如果你老豆老母用,直接幫佢安裝埋個微信、Whatsapp、LINE 落去,打電話開行個喇叭同你講電話你話幾好。裝埋個 Remote desktop 隨時控制佢部 Hi9 Plus 就完美! 

但唔好打算做操重野,因為部機的 ROM 太慢,直頭影響 UI 交互操作的流暢度,如果你好似我咁習慣了其他機 UI 的流暢,初期會難以忍受 LAG 半秒的 EURO STEP。 但如果定位係一部 LTE 靚芒 AV 機,Chuwi Hi9 Plus 又不失為一名入圍決賽的候選佳麗。

鍵盤? 除非很有需要才購置啦! 因為有個設計很奇怪,接上鍵盤後哪怕摺疊好,放在背包也能觸發按鍵,任意按鍵都能夠喚醒 Hi9 Plus 的屏幕,所以頭幾日倒水電。後來發現了這個問題,把鍵盤拆了就擁有良好的待機體驗。

嗚謝:鵬勃電子科技提供實機試測

最新新聞