留意到豐澤網店居然有陳列品賣,而賣嘅主要係 Apple 嘅 iPad,唔理係舊聞定新料,網店買陳列品有個風險,就係無得睇到實物係點,有幾殘,都唔知,除非你幾殘都唔介意,諗住最後都係會笠返個套就算啦。
而今次留意到有賣嘅陳列品並唔係好多部,主要有 iPad (6th Gen, 2018)、iPad Air (3rd Gen, 2019)、iPad Pro 11 吋 (1st Gen, 2018),三機賣價分別為 $1330、$2800 以及 $4480。呀,其實當中果部 iPad Air 我都唔肯定係咪都係陳列,因為佢並無寫明係陳列品,但撳入去講到明係無保養,咁我就當埋佢係陳列品就好了。
(2 月 5 日 19:32 補充:向豐澤方面查詢,得出回應如下:「原來本身係想方便顧客睇到有咩實體店可以買到呢d指定既陳列品。而唔係喺網上商店買到呢啲陳列品,我哋會盡快 upgrade website layout,等大家更加方便清晰了解產品資訊。」)