有 S Pen 兼中港 4G 全網通! Samsung Galaxy Tab A 香港登場

Lawrence 2015-05-06 18:32 | Samsung
近來愈來愈多手機廠牌都係旗艦上加上支援中港 4G 功能以作為賣點,好似 Galaxy S6 Edge 咁。但係 Android 平板方面莫講話中港 4G ,連支援 4G 的平板本身都唔多,價錢相對地都唔算好便宜。剛剛 Samsung 就推出左一款支援中港全網通的平板,而且仲有不少朋友都好喜歡的 S Pen 功能。有興趣的朋友就一定要留意啦!icon

Samsung Galaxy Tab A 8、9.7 實機試玩!

首款平板打通中港 4G 全網通! Samsung Galaxy Tab A 仲用到 S Pen

Android 平板市場呢排相當淡靜,亦都缺乏有吸引力的新機係香港推出。今次 Samsung 推出的 Galaxy Tab A 可以話睇準時機而出。首先講下 Galaxy Tab A 系列的賣點先,新推出的 Tab A 系列有 8 吋同埋 9.7 吋兩個屏幕版本,兩款都有 Wifi 同埋 4G LTE 版本。以往來講版主個人都唔覺得平板支援 4G 有好大吸引力,但今次 Galaxy Tab A 支援 4G 就一定要鄭重地提一提,因為佢係首款支援中港 4G 全網通的行貨平板(以往都有華為的 X1 但係支援頻段上並不齊全),除左 TDD-LTE 齊頻外連 3G TD-SCDMA 同 CDMA 都支援。以 Samsung 來講恐怕只有 Galaxy S6 Edge 有如此齊全的支援啊。

除左支援全網通 4G 之外, Galaxy Tab A 系列另一項賣點就係支援 S Pen ,而 Air Command 、 S Note 同埋版主係 Galaxy Note 4 上覺得幾好用的 Multi Window 功能 Samsung 亦都帶到落 Tab A 系列上,對嫌 Note 4 貴又想用 S pen 的朋友 Galaxy Tab A 都係一個可以考慮的選擇來嘅。

Samsung Galaxy Tab A 8、9.7 實機試玩!
▲ 可能係為左配合 Tab A 有筆的特色, Samsung 順勢推多個「 Book Cover 」,不過定價 $299 都唔算好平。icon


未有 FHD 芒! Galaxy Tab A規格入門定價又算唔算平?

Galaxy Tab A 既支援全網通又可以用到 S Pen 無疑係幾有吸引力。不過,版主遲遲未提到的規格相信就係呢部平板的弱點了。係屏幕上,不論係 8 吋芒還是 9.7 吋芒, Galaxy Tab A 都只有 4:3 屏幕比例 1024 x 768 解像度。而處理器上 Galaxy Tab A 系列平板都只係用 Qualcomm APQ8016 1.2GHz 四核心處理器( APQ8016 即係 S410 )配合 2GB RAM 以及 16GB 內置容量,雖然內存較少但就支援 128GB SD 卡。相機方面就有 500 像素主鏡頭配搭 200 萬像素前鏡頭。電量方面香港 Samsung 係新聞稿上雖然未有提到,但參考返已經開賣的台灣地區資料, Tab A 8 吋版有 4200mAh 電池而 9.7 吋版就有 6000mAh 。最後所有 Tab A 系列平板都搭載 Android 5.0。

不論係 Wifi 還是 LTE 版, Samsung Galaxy Tab A 系列平板都已經係香港推出啦,兩款屏幕尺吋版本都有白色以及灰色可選。價錢方面就係 Tab A 8 吋 Wifi 版 $2298 、 4G LTE 版就要 $2898 。而 9.7 吋 Wifi 版本就係 $2698 , 9.7 吋 4G LTE 版本 $3298 。唔知呢個價位大家又覺得算唔算抵呢?如果俾版主揀就一定會揀 8 吋 LTE 版啦!大家都一齊講講意見啦!icon

相關產品 (4)

相關報導 (3)

定價追擊 iPad!中港4G三星 Galaxy Tab S2 系列到港

定價追擊 iPad!中港4G三星 Galaxy Tab S2 系列到港

三星終於再推出高階平板GalaxyTabS系列新機,而且已經到達香港啦!在港發售既TabS2版本包括:二款屏幕大小9.7吋與8吋,都會分別有Wi-Fi和LTE版,而且定價上黎睇,好明顯係想追擊iPad啦!

YKer | 2015-07-28
抵過 Z4 Tablet ? Samsung Asus 10 吋 4G 平板齊齊減價

抵過 Z4 Tablet ? Samsung Asus 10 吋 4G 平板齊齊減價

之前版主就同大家分享過Sony旗艦平板Z4Tablet已經係大鋪有得賣,雖然Z4Tablet規格上相當吸引,但係價錢來講要$5398應該不是一般朋友可接受的範圍。最近版主就發現原來不少Samsung10吋兼有4G的平板都有減價,同時Asus亦都有份,大家又覺得價錢上有無吸引力呢?

Lawrence | 2015-06-04
S Pen + 4G 全網通! Samsung Galaxy Tab A 香港登場

S Pen + 4G 全網通! Samsung Galaxy Tab A 香港登場

近來愈來愈多手機廠牌都係旗艦上加上支援中港4G功能以作為賣點,好似GalaxyS6Edge咁。但係Android平板方面莫講話中港4G,連支援4G的平板本身都唔多,價錢相對地都唔算好便宜。剛剛Samsung就推出左一部支援中港全網通的平板,而且仲有不少朋友都好喜歡的SPen功能。有興趣的朋友就一定要留意啦!

Lawrence | 2015-05-06

最新新聞