主題:終於都來了!華為 MediaPad X2 發佈在即,一齊估下幾時出?

ePrice HK
  • 發表時間:2015-07-15 01:48 收錄檢舉
    如果講到期待同注目程度高的平板,除左之前的 Sony Z4 Tablet 之外真係不得不提華為的 MediaPad X2 ,因為在 7 吋平板上 X2 可以話係今年規格較出色的平板之一。而 YK 之前就過開箱分享評價都相當正面!對於唔少有意入手 X2 的朋友來講,今次有好消息啦!因為 MediaPad X2 好快就有行貨推出,大家係咪已經好期待呢?

    終於來了!華為 MediaPad X2 發佈在即,一齊估下幾時出?

    點解版主咁肯定 X2 就快出?因為華為在 Facebook 上已經透露左啦!從華為所上傳的圖片可以見到,將會到港的 X2 係金色的。唔知係咪意味住在港開賣的會係擁有 3GB RAM 配合 32GB 內置容量,大陸稱之為「精英版」的版本呢?

    提起將會推出新產品,之前版主估計紅米 2 增強版會聯同 S801 版本的小米 Note 一齊推出,點知估錯左⋯⋯實在叫人傷心。不過唔緊要!今次版主一於屢敗屢戰,發動柯南的推理能力去猜測一下到底 MediaPad X2 幾時會推出。正所謂「真相只有一個」,版主估計 MediaPad X2 將會係下星期就發佈,而且開賣日子都相當接近, 7 月完結之前就會正式推出。大家就一齊睇下版主今次的推理有無錯啦!icon

    終於來了!華為 MediaPad X2 發佈在即,一齊估下幾時出?
    ▲ 同時間在深水埗場內都有店鋪入左 P8 的高階版,主要不同在於配置左 64GB 容量,但價錢就未必吸引到大家了,要 $4780 左右。唔知係 MediaPad X2 的發佈會上面會唔會出埋呢?

    立即加入Facebook 專頁,新聞/消息/優惠,最快知。

    01樓 ▲TOP 回列表頁