高登仔又發功!踢爆疑似 TVB 記者扮「沒女」
|
聲音內容
TVB 的「剩女」真人騷成為城中話題,尋晚準備再下一城,播出《沒女大翻身》,講一班冇樣貌、冇身材、冇青春、冇家底、冇成就,犯下七宗罪的女士。如何由被人冷落,經過一系列轉變,最後大翻身。不過首集出場的「沒女」和導師,卻被高登仔陳梓豪發現,懷疑兩人是 TVB 記者。跳轉睇睇!
[SEP]
網民陳梓豪心水清,發現兩位「沒女」的女士都在較早前廣東道反蝗示威中出現過,覺得事有蹺蹊,於是貼出示威當日的片段,兼且 Cap 圖俾網民認人。根據當時 SocREC 的片段,兩位和「沒女」和導師十分相似的女士,曾經一同拿著印有 TVB 貼紙的咪高峰訪問市民。有圖有片有真相,唔少網民鬧爆 TVB 造假,有網民甚至要求 TVB 即時腰斬。究竟點收科,過兩日就知道?不過花生價格一定飆升!!
▲ 你係記者定係導師先?
▲ 留長頭髮,記者都可以變「沒女」?
資料來源:香港高登