旋轉中解體 指尖陀螺割開手指
|
聲音內容
原本為專注力失調兒童設計嘅指尖陀螺,估唔到成為全球大熱,就連唔少大人都玩到上晒癮。點知有人玩出禍,為咗挑戰極限,竟然令到指尖陀螺喺旋轉中解體。結局唔係冇咗幾十蚊一個指尖陀螺咁簡單,而係要馬上入急症室。究竟發生咩事?跳轉講你知。
[SEP]
事發喺瑞典卡爾斯堡,一名 25 歲嘅機器維修工人 Dogl 試玩指尖陀螺後,覺得一啲都唔好玩,亦唔明白有乜咁好玩,於是佢同佢嘅同事決定諗計,令指尖陀螺轉得更快。上星期四晚當佢哋返夜班時,無聊起上嚟,幾個同事決定用工場嘅壓縮空氣槍,將 Dogl 手上旋轉中嘅指尖陀螺加速。
▲ 圖片太肉酸同血腥,版主唯有轉黑白。
點知當速度加快到某個點,指尖陀螺就突然頂唔順分體,塑膠鋒利嘅部分就將 Dogl 嘅手指公割開,唔單止皮開肉裂,照 X 光後更發現上及筋腱,而且手指骨亦有骨折。玩指尖陀螺闖出大禍,可能影響 Dogl 稍後嘅年度旅行,真係得不償失。
資料來源:expressen