相信唔少人小時候都試過返學遲到，最常見的懲罰都係罰企、罰抄，甚至扣操行分，嚴重嘅或者要見家長。估唔到呢啲招數都唔能足以懲罰學生，英國漢普郡和埃塞克斯郡嘅學校就決定出「辣招」。學生遲到，隨時累老豆老母要踎監。跳轉話你知有幾誇張！
[SEP]
英國太陽報報導指，兩個郡嘅學校同議會早前通過，將學生遲到的懲罰加重。如果一名學生經常遲到，屢勸不改，佢父母就會每人收到 120 英鎊嘅罰款通知書，即係一個家庭嘅罰款可以高達 HK$2,426。究竟點樣會被開罰單？有學校遲過 9 點未返到學校就會被罰款，亦有學校以遲到超過 30 分鐘作為界線。
如果 21 日內繳付罰款，罰款可以減半，但如果父母唔交罰款，就有機會被告上法庭，甚至坐監。學校勸告家長，如果唔想被罰，最好留意仔女返學嘅時間，或者親自送佢哋返學。
資料來源：The Sun