正當全地球都講明唔好劇透，等粉絲同普通觀眾可以在入場睇《復仇者聯盟 4：終局之戰》前保留神秘感，導演羅素兄弟甚至撰寫公開信，叫粉絲不要支持老翻。點知菲律賓一間有線電視台 Orient Cable 竟然無懼「劇透死全家」，喺電視公開播放《復仇者聯盟 4：終局之戰》。跳轉有更多詳情。
[SEP]
《復仇者聯盟 4：終局之戰》喺 4 月 24 日當地首映後，第二日有線電視台 Orient Cable 就已經將電影公開播放，播放嘅版本當然並非官方授權，而係戲院偷拍版本。唔少未有時間或未買到飛入場嘅人，喺電視睇到就大鬧電視台劇透，又鬧佢哋作為媒體一份子，個電影業俾佢搞彎曬。
獲得正式授權播放《復仇者聯盟 4：終局之戰》嘅電影院線 Teatro de Dapitan 得悉事件後，即時報警求助，而呢間無恥嘅電視台就馬上換畫，播放一齣舊菲律賓超級英雄電影《Captain Barbel》，不過仍然係未獲授權嘅偷拍版。
資料來源：pna