• Joy-Con 太細!用 Switch 玩《FIFA 18》會手指抽筋
    Joy-Con 太細!用 Switch 玩《FIFA 18》會手指抽筋
    版主虎仔唔少朋友都帶住 Switch 出街,夜晚會約埋打機,然後再食宵夜。Switch 一出竟然令好多一排無見嘅朋友變成經常聚頭,唔知網友們會唔會咁樣呢?遲啲《FIFA 18》推出,預計唔少人都會入手,有外國遊戲網站就率先試玩 Switch 版嘅《FIFA 18》,發覺遊戲非常唔錯,不過就有一個問題,就係用 Joy-Con 手掣二人對戰的話,手掣太細,好容易玩到手指抽筋。跳轉睇下佢哋嘅試玩畫面同評論。
    繼續閱讀
    • 2017-08-26
    • 暱稱:虎仔
    • 文章分類:搞笑影片
    • 閱讀 4481 次
    • 1篇討論
  • 角度的重要!巨胸女測試米家 360 度相機
    角度的重要!巨胸女測試米家 360 度相機
    之前分享過一位大陸巨胸女工程師 Naomi,佢用 3D 為自己打印一件比堅尼。Naomi 唔單止會用 3D Printer 自己製作作品,仲不時做產品評測。早前佢就親身試小米旗下米家嘅 360 度全景相機。可以拍攝 4K 畫面係相機嘅賣點,至於影片嘅賣點,應該都係 Naomi 部相機擺放嘅位置,唔講太多,跳轉自己感受下。
    繼續閱讀
    • 2017-08-25
    • 暱稱:虎仔
    • 文章分類:搞笑影片
    • 閱讀 10347 次
    • 1篇討論
  • 睇咗當玩咗!Essential Phone 外國 Hands-on
     睇咗當玩咗!Essential Phone 外國 Hands-on
    論屏佔比高低,由 Android 之父 Andy Rubin 公司研發嘅 Essential Phone,一啲都唔會輸蝕俾小米 MIX、Galaxy S8 或 LG G6,呢部話題性十足,有 3 邊零邊框同外接全景相機嘅 Android 手機,剛剛喺美國開始出貨,相信要喺香港買到行貨仲有排等。著名 YouTuber Marques Brownlee 就搶先將手機攞到手,究竟同一般 Android 旗艦有咩分別?跳轉睇睇。版主虎仔就好有興趣喇,唔知幾時可以親手玩到呢?
    繼續閱讀
    • 2017-08-24
    • 暱稱:虎仔
    • 文章分類:搞笑影片
    • 閱讀 3891 次
    • 1篇討論
  • 《權力遊戲》龍蛋是怎樣煉成的
    《權力遊戲》龍蛋是怎樣煉成的
    美劇《權力遊戲》來到第七季,追劇嘅粉絲越來越多,好多網民每逢星期一朝早就囉囉攣,好想同美國同步睇劇。劇集爆紅就連週邊產品、服飾都有人留意,有人就拍片示範劇集內重要的道具「龍蛋」係點樣做出嚟,估唔到係咁複雜咁考手工。粉絲們係咪好想擁有呢?跳轉睇片。
    繼續閱讀
    • 2017-08-24
    • 暱稱:虎仔
    • 文章分類:搞笑影片
    • 閱讀 2041 次
    • 1篇討論
  • 過百萬點擊!97 歲爺爺感受 Tesla 快感
    過百萬點擊!97 歲爺爺感受 Tesla 快感
    俗語有云「一百歲唔死都有新聞」,當一個人活到 100 歲,應該好多新奇事物都見識過。能夠令今年 97 歲嘅爺爺都感到驚訝嘅,原來係一部充滿新科技,以電力推動嘅 Tesla。爺爺對電動車充滿好奇,好多嘢想知,孫兒決定同爺爺遊車河,俾爺爺見識一下「未來」。跳轉睇下爺爺嘅表情!
    繼續閱讀
    • 2017-08-24
    • 暱稱:虎仔
    • 文章分類:搞笑影片
    • 閱讀 1979 次
    • 1篇討論
  • 液壓挑戰!尿袋被壓扁一刻殺傷力超強
     液壓挑戰!尿袋被壓扁一刻殺傷力超強
    「個個都帶尿袋出街,唔通個個都帶尿袋出街咩?」如果唔係擔心手機電池捱唔到一整日,相信冇幾多人想帶住個尿袋出街,因為尿袋相關嘅意外大家都聽過見過。最近 YouTube 頻道 Hydraulic Press Channel 就做咗一個液壓挑戰,嘗試用液壓去將幾個尿袋摧毀,結果係點毋須多講,最緊要都係個過程真係好「爆」!跳轉睇片。
    繼續閱讀
    • 2017-08-23
    • 暱稱:虎仔
    • 文章分類:搞笑影片
    • 閱讀 4375 次
    • 1篇討論
  • 10 號波留喺屋企就安全?邊個話㗎!
    10 號波留喺屋企就安全?邊個話㗎!
    每逢打風,政府就會呼籲市民留喺屋企,今日 10 號風球,好多人都聽話留喺屋企。不過當你以為屋企好安全嘅時候,無妄之災就隨時出現。有網民拍到一座住宅大廈用來清洗大樓嘅釣船,喺颱風吹襲下喺大廈外牆吊吊揈,兼且仲打爆咗幾家人屋企嘅窗,睇衝力隨時連窗框都有機會受到破壞。真係好大鑊!跳轉睇睇。
    繼續閱讀
    • 2017-08-23
    • 暱稱:虎仔
    • 文章分類:搞笑影片
    • 閱讀 2336 次
    • 1篇討論
  • 回顧對上一次 10 號風球咩境況
    回顧對上一次 10 號風球咩境況
    10 號風球好罕有,唔計今次天鴿,踏入 21 世紀只係打過一次 10 號風球。好多香港人當 8 號風球冇到,繼續落街食飯,甚至外出睇戲唱 K,不過 10 號風球就唔講得笑,危險性真係非常高,唔應該再出街吹風睇浪,無謂為其他人帶來麻煩,留喺屋企應該最安全。跳轉回顧一下對上一次颱風韋森特襲港,10 號風球嘅狀況。
    繼續閱讀
    • 2017-08-23
    • 暱稱:虎仔
    • 文章分類:搞笑影片
    • 閱讀 3483 次
    • 1篇討論
  • 完全毋須用電!DIY 夾公仔機好好玩
    完全毋須用電!DIY 夾公仔機好好玩
    每次去日本或者台灣旅行,好多人都無法抗拒夾公仔機嘅誘惑,不過唔同地方嘅機器都各有唔同,有啲地方嘅夾公仔機好古惑,個鉗永遠鬆鬆地,公仔硬係糾纏不清。有冇諗過自己喺屋企放一部夾公仔機,仲要係完全 DIY 兼且毋須插電呢?有網民就用紙皮做咗一部液壓動力嘅夾公仔機。跳轉有片睇。
    繼續閱讀
    • 2017-08-22
    • 暱稱:虎仔
    • 文章分類:搞笑影片
    • 閱讀 2968 次
    • 1篇討論
  • 打牌點計番,聽下阿姨點樣講
    打牌點計番,聽下阿姨點樣講
    打咗咁多年麻雀,香港牌台灣牌大陸牌你都略知一二,點樣計番應該心中有數。點知坐你上家嘅阿姨,竟然有自己嘅一套,打香港牌都要玩大陸麻將嘅明槓收錢。當你同佢理論咩,佢就大條道理仲話自己有最終解釋權,唔滿意就可以起身離開咁話。你話嬲唔嬲吖!跳轉睇下呢個阿姨咩料!
    繼續閱讀
    • 2017-08-22
    • 暱稱:虎仔
    • 文章分類:搞笑影片
    • 閱讀 2876 次
    • 1篇討論