真係唔明好地地一部新手機，點解外國網站硬係喜歡將佢虐待。玩 Drop test、放入洗衣機都嫌未夠激，有 YouTube 頻道竟然用一個鐵鎚重擊 Galaxy S5 螢幕和電池，唔駛多講，部可憐嘅 GS5 螢幕當然即場斃命。似乎 GS5 都有靈性，電池被重擊後垂死掙扎，想同變態嘅測試者同歸於盡。跳轉睇片！
[SEP]
睇完片最大得著係，見證一塊新簇簇鋰電池被鐵鎚重擊後膨脹，然後在鏡頭前爆炸。幸好 ePrice 網友們冇要求版主進行一系列變態測試，否則版主們嘅保險 Agent 肯定唔睬我哋！
似乎變態的測試者唔怕爆炸，仲用另一部 Drop test 過的手機，放入滾水內煲 3 分鐘。結果又整死一部機，為地球製造一件電子垃圾。乜真係咁好玩咩？