香港警察非常搏命，昨日當好多人年初四咁嘅面口返工，佢哋已經做緊嘢，仲宣佈搗破葵涌一個武器庫，又拉咗 3 名男女，懷疑和初一晚旺角暴亂有關。警方唔單止搜到刀、水管、鐵通、鐵支、口罩、手套，又有玩具槍、對講機、辣椒水和化學用品。負責行動嘅新界南總部周光宗警司話，辣椒加水可以令人聯想到可能可以用來做傷害人嘅事。有網友發現 TVB 嘅《東張西望》喺 3 年前已經派出吳幸美去到上址採訪，更加深入倉庫內，跟兩名負責人同多位會員傾過，甚至幫忙協助搬運物資。咁重要嘅片段，警方行動前都未必睇過，跳轉去片！
[SEP]
倉庫負責人喺 FB 表示，辣椒水係用來滅蟲，化學品係用嚟自製番梘，其他物資通通都係環保回收，令廢物可以重用。呢個組織相信全港起碼有 2 萬幾人認識，因為組織其實非常有名。
OYIF == oh yes IT's FREE!!!
兩位年輕人不問酬勞，收集棄置家具免費任人攞走，為的是什麼...。
「我在期待奇蹟，香港無窮人，人人有飽飯食，某些連鎖店不要的東西，不扔到堆填區，派給露宿者或低下階層，無人需要捱餓，可以說是奇蹟吧。」——KY
相關報導：文匯報：警破武器庫疑涉旺角暴亂