患上癌症非常痛苦，如果係前列腺癌更加係男人之苦。要減低患前列腺癌嘅機會，原來有一個既簡單又開心嘅方法。研究人員發現只要每月射精至少 21 次，就可以大幅減低患前列腺癌的機會，究竟呢個方法有乜根據？跳轉講你知，男士們要留意啦！
[SEP]
美國哈佛大學由 1992 年至 2010 年期間，進行咗一項 18 年嘅研究，研究人員訪問咗接近 32,000 名 20 至 29 歲、40 至 49 歲的男士，了解佢哋射精嘅頻密程度，無論打 J 定真軍都包括在內。18 年間有 3,839 人患上前列腺癌，但研究人員發現男士每月射精至少 21 次，比起每月射精 4 至 7 次，患前列腺癌機會低好多。
研究冇解釋兩者有乜關連，但哈佛大學另一項研究就指射精可以幫助清除致癌物質，並且有助紓緩導致癌症的發炎情況。
資料來源：每日郵報