Sharp Aquos Xx SH404 詳細規格
屏幕: 5.7 吋 1920 x 1080 屏幕處理器 :Qualcomm Snapdragon 810 2GHz 八核心處理器
RAM:3GB
內置容量: 32GB (支援最大 128GB microSD 記憶卡)
鏡頭:1300 萬像素主鏡頭、210 萬像素前鏡頭( LED 補光燈、支援 4K 影片拍攝)
電池量: 3000 mAh (內置式)
尺寸 : 146 x 79 x 8.7
重量 : 168g
售價:$6,780
5.7 吋大芒,機身不算好大
剛返貨嘅 AQUOS Xx SH404,跟呢排最 Hit 嘅日水 SH-03G 可說是兄弟機。規格用上最頂級,包括 Qualcomm S810 八核心處理器,再加 3GB RAM 以及 32GB 內置容量,電池就有 3000mAh (不能更換) 以及預載 Android 5.0 系統。兩款機嘅相機,都有 Ricoh GR 認證,而拍攝像素亦係一樣: 1300 萬像素主鏡頭及 210 萬像素前鏡頭。主相機有 F1.9 光圈之外亦用上 OIS 光學防手震。不少得嘅係有 IPX5/7 防水防塵機制。成像正,但對焦慢
Sharp 呢兩部機,包括版主 Lawrence 之前試嘅 AQUOS SH-03G,同呢部 SH404,都係用上由 Rochol 認證嘅千三萬像素主鏡頭。大家一定對成像有點期待,而更有刊物讚到 SH-03G 嘅相機天上有,地下無。版主今日係 Starbucks 一試,在相對暗黑嘅環境下,SH404 拍出來嘅相片,細緻度比起其他擁有千三萬像素鏡頭嘅手機都要高,拍出來嘅成像十分好。但一部好嘅手機相機,影相嘅反應,都係好重要,係呢方面,Sharp SH404 就差少少,對像稍慢,最長要成半秒,影 Snapshot 無咁爽。不過,裡面嘅拍攝模式多元化,除了認真影相,用來拍攝玩樂相都好過癮。▲ 呢部 SH404 為例,由於用上 Sharp 獨特 EDGEST 窄邊框設計的關係跟其他手機感覺好唔同,真正日系味道。
▲ 今次版主借到嘅係紅色版本。
▲ Sharp 嘅手機,有上下倒轉嘅感覺,當然唔駛你上下倒轉來用啦。上方會見到更多屏幕。
▲ AQUOS 嘅商標,感光器反而在機下方。
▲ 採用機頂防水蓋設計,打開佢先可以換 SIM 及 MicroSD 記憶卡。不過充電就用防水式 USB。
▲ 手上有一部 5.5 吋芒嘅 Meizu MX 5,用來比拼大細,發覺用上更大芒嘅 Shap SH404,唔會因為咁而大好多!大芒,相對較窄身,係優點來嘅。
▲ Sharp 嘅屏幕 (左),可視角度還不錯。
▲ 相機像素唔會好高,只有千三萬,但採用突出來嘅鏡頭。補光燈只有一粒咁大把。呢個鏡頭,係 Richol 認證。
▲ 大多數嘅相機介面,會有九宮格方便構通,但呢部 Sharp SH404 卻更先進嘅黄金螺旋構圖。
▲ 內置多款相機玩意與模式。
▲ 用 SH404 拍攝嘅試相。
跑分一樣慢,無作跑分 App 優化?
跟版主 Lawrence 對 SH03G 嘅跑分測試一樣,雖然用上 Qualcomm S801 CPU,更跟其他手機一樣,行到 2.0GHz 速度,但跑分一樣好低。幾個版主係到估,一係 Sharp 機針對日本用家,唔似得其他亞洲區用家咁重視幾個效能軟件嘅跑分,所以無做出優化。一係就因為 S810 CPU 嘅過熱問題,要降效調整。我地係 AnTuTu 跑分去到 Multi Core 個陣,轉去 CPUz 軟件,發覺有機會係跑分個陣,未開齊咁多個 CPU 核心,令跑分過低。
▲ 係 Antutu 跑到 Multi Core 個陣,版主立即用多工轉至 CPUz ,見到跑分個陣,手機只開動兩個 Core 運作,難怪跑分咁低。似乎 Sharp 係情願跑分低,都唔想俾 D reviewer 感覺到手機嘅熱量。
▲ 亦都可能係咁樣,用來測試手機 3D 遊戲效能嘅 Basemark ES2.0 只有 47.22,係 Qualcomm 頂級 Soc 系列來講,真係比較差。
▲ Sharp 手機預設了 Feel Home 介面,只有日本及英文 UI。Feel Home 介面係無 App Drawer 架! 不過,佢又有番 Google Now Launcher 俾你揀。