$138 月費，澳門使用通話、Wi-Fi、流動數據服務
對於成日出入澳門的網友們來說，你們一定很好奇，到底「港澳連城」通行證會唔會好貴呢? 剛才提及過，「港澳連城」一共有兩款，一款是日費形式，另一款是月費形式。如果你去澳門的次數唔係咁密的話，你可以選用「單日通行證」，每日需要額外加 HK $38 (每日以香港時間 00:00 － 23:59 計算)。如果你去澳門的次數比較多的話，亦可以選用「月費通行證」，每月額外加 HK $138，並需另外簽訂 24 個月合約。
另外要注意的是，這個通行證的流動數據並不是無限任用，csl. 以及 1010 的客戶於澳門旅遊時使用語音通話、流動數據以及發出短訊，有關用量須於現有的流動通訊服務計劃內扣除。即係如果你本身係用緊 1GB Plan，咁你在澳門上網都係會在這 1GB 入面度扣，免卻漫遊費用。首次登記「月費通行證」的客戶，將可獲贈總值超過 HK $2000 的迎新禮品包，當中包括港澳來回船票優惠、餐飲及景點入場券優惠等。登記「港澳連城」通行證，除左可以在澳門打電話同使用流動數據，亦可以在澳門超過 800 個 Wi-Fi 熱點無限任用 Wi-Fi 服務。
中國聯通 Prepaid SIM 更抵玩?
中國聯通其實都有類似專為澳門而設的 Prepaid SIM，同 csl. 跟澳門電訊合作推出的「港澳連城」通行證不同，中國聯通果款叫做「自遊王」，並唔係逐日或者逐月計，而係逐個星期咁計，提供 7 日港澳無限數據以及 HK $30 香港通話，並可優惠撥打 14 個熱門地區，原價為 HK $88，如果你網上購買的話，就可以優惠 HK $58 獲得，不過如果運去香港住宅區，咁就需要加番 HK $20 運費。
如果你純粹上網、whatsapp、facebook，唔需要打電話的話，你亦可以選擇「香港及澳門 7 日上網卡」，原價 HK $68，網上買只需 HK $48，運去香港住宅區一樣要加 HK $20 運費。不過有一點要提提大家，以上兩個選擇雖然寫住「無限數據用量」，不過係有「公平使用數據用量上限」，1GB 之後就會限速至 128kbps。但相比 csl. 果個「港澳連城」通行證，需要在現有服務計劃中額外再收取費用，而且無得無限任用，唔知大家覺得，會唔會中國聯通呢個「自遊王」 Prepaid SIM 更抵玩呢？
▲ 中國聯通「自遊王」，包無限港澳上網及 $30 通話儲值額 (左）。純粹用來上網、whatsapp、facebook，適合唔需要用來打電話的網友們 (右)。