是咁的，昨晚 16/4 網上傳出有不少朋友收到由 THE CLUB 寄來嘅電子郵件，說明已被揀選為特選客戶，csl. 會送六個月手機月費俾佢，呢六個月會包括無限本地通話分鐘、最高速為 375Mbps 嘅 6GB 數據用量，仲有無限 WiFi。六個月後，你唔續約，會自動停止服務，聽落真係無乜伏位，用得過，問題係，點先可以中到呢個獎，中間又有乜事要注意呢？版主幫你問過!
001 : 呢個免 6 個月月費包 6GB 數據用量兼無限本地通話分鐘嘅優惠，其實係給予 THE CLUB 嘅會員。乜野係 THE CLUB，其實就係 csl. 嘅母公司 HKT 香港電訊嘅會員儲分獎賞計劃，入會門檻好低，你肯上網填 Form 就得。不過，要儲分嘅話，就要你用 HKT 嘅服務，如 csl.、Netvigator、IDD0060 等等。而呢個優惠，亦係由 THE CLUB名義發出。
002: 咁係咪 THE CLUB 會員，人人有份？唔係! 版主幫大家問過，只有收到電郵嘅會員，先至有份。但當中什麼準則，THE CLUB 有關方面沒有講明。而呢個優惠，亦唔可以讓俾人，一定要用會員名下出 Plan。不過，正如之前咁講，參加 THE CLUB 基本上只有填 Form 嘅時間成本，你未申請嘅，咪申請左先囉，當中獎都好。版主幫大家問個刻，有關人員都未話係咪已 send 晒 email，就係當抽獎都無所謂吧。
▲ THE CLUB 是一個會員儲分獎賞計劃。按入圖片即進入。
003 : 呢個 Plan 有無伏，其實無乜，因為佢真係連行政費都免埋，只要你肯去 csl. 登記，提供住址及信用卡資料 (因為你都有可能用佢地其他收費服務)，開 SIM Plan 就可以，呢個 6GB 計劃，相對於 csl. 正價帶機上台嘅 ＄298 ／6GB 計劃，但不用簽合約，六個月後你忘了再登記，會自動停台。版主問過，你可以揀新 Number 或者帶 Number 轉台，但帶號轉台，其實第七個月之前要處理轉走手續，或者轉用其他 csl. 計劃，否則停左台，無左個號碼就大件事。
004 : 6GB 數據用量，對好多人來講，咪又係好易爆！所以版主幫大家問過，可唔可以同時申請埋，csl. 最近不停推嘅「用量皇」服務。「用量皇」即係係 6GB 或以上嘅月費，每月加多 $150，會變為無數據用量限制，用幾多 Data 都得，簡單一點，即係月費 $150 包無限分鐘，無限 WiFi 兼無限上網。之前，版主 Lawrence 分享過「用量皇」條款，可能有伏，因為無寫明唔會限速，但最近版主發覺 csl 把條款改了，「用量皇」已寫到明 6GB 標準用量後不限速，所享用的網絡資源將因應網絡情況而分配會較少，流動數據體驗或會受到影響。即係都係真任用。由於本來 $298 月費係免左，即係首六個月，你俾 $150 做到全速無限上網， KO 晒全部儲值卡!
▲ 朋友收到嘅 THE-CLUB 電郵內容
▲ csl. 「用量皇」全新款式，放睇得更清楚。
版主知道有呢個 Offer 後 ，立即申請了 THE CLUB 做會員，不過等左一日，都未見有中獎 Email，唔知有無網友中左獎，中左又會否用無限上網「用量皇」計劃呢？