今日下午四點，版主 Keith 準時到達旺角西洋菜街 csl 門市對外，亦係今次 csl 挑機其中一個地點，原來佢地突然改左玩法，你照樣要行埋去，同 csl 職員手上嘅手機，進行 OFCA 測速挑戰！但我企了大約四十五分鐘，從未有人成功快過 csl. 預備手機與 SIM 卡。呢個係因為佢地係門市做過手腳，不得而知，但肯定係，你挑機唔成功，都有機會得到佢地預備嘅一萬分 The Club 點數。佢地今日現場公佈，個一萬分 Club Point 會送俾係挑戰是，OFCA 測速最快嘅十位參加者，唔一定要 win csl 嘅網速！咁樣，就算 csl. 真係做手腳，攪到佢地上網全港至快，都唔怕佢唔送 Club Point 啦！csl 表示，呢個挑機活動，係聽日 12/3 星期日，下午四點至六點都會係三個地點，包括旺角、尖沙咀同埋銅鑼灣舉行，詳情可 Click 呢到。每個地區預備左十萬 The Club 點數，送俾 OFCA 測速最快嘅十個非 csl 客戶嘅參加者，即每人可得一萬 The Club 點數。點數可以換機票？我哋之前講左。
玩法改咗，仲有無機會爭取出線呢？版主教你！有業內人士跟版主講，csl 已在旺角西洋菜街門市 （其中一個遊戲點) 開盡3CA，即係你用上支援嘅手機，其實得 Samsung Galaxy S7 一部，可以同一時間收三條頻道，所以上網速度係可以好快，不少人係附近行 OFCA Speedtest 速度輕易過 100Mbps 。別台係測速之戰能否打敗 csl ? 呢位朋友給我一個 tips。csl 的 band 7 (2600 頻段) 有好大部份跟 3HK 共用。當 csl 大力到推高功率時 連帶 3HK 都會得益，咁你明白要出動什麼 SIM 卡機會比較大未？手機呢？千萬不要用 Samsung Galaxy S7，因為 csl 用番 S7 跟你比拼，上面咪講左，csl 已開盡 3CA，香港其他網絡商得 2CA 架咋，會蝕好多。嘩最好用邊款手機參予最好？iPhone 7 或 iPhone 7 Plus。香港全部網絡商都為呢款手機作調教，收訊最好。事實上，今日版主用 3HK 嘅 SIM 卡，再配 iPhone 7。係旺角西洋菜街門市測試，最快係去到 70Mbps 以上！版主唔擔保一定得，亦知道 3HK 唔係次次 OFCA Speedtest 都有 70Mbps 以上，但你咪當 Tips 試下囉。
▲ csl. 測速攤位，有齊最 Hit 嘅手機，佢地會用番你使用嘅手機，跟你比拼，但若果佢地無你用緊嗰款手機？佢地就會用 Samsung Galaxy S7 同你比拼架啦！
▲ 玩完遊戲，要俾 csl 大會攝影師影張相做 record 架！
點先可以免費得機票：挑機全港網絡商! 周末 csl 派十萬分 即換兩張台北來回機票!
網友報料：csl. 門市漏夜加料? 網絡挑機換機票，Just a game?
網絡挑機直擊! csl. 突改例：挑機失敗，一樣有機會得機票