主題:免費出 Club SIM 送3 個月 5GB 數據! $28 中國漫遊任用 WhatsApp

ePrice HK
  • 發表時間:2017-10-19 15:12 收錄檢舉
    ePrice 版主昨日就在 Facebook Page 上,同大家分享了一個信息,表示 csl. 免費派 Club SIM 喎!而且唔止派 SIM 咁簡單,張 SIM 入面仲包括了五個免費組合,當中包括遊戲、娛樂、數據、漫遊以及通話分鐘,全部有得試用 1 個月至 90 日不等,無理由唔整張試用下。不過,如果過左佢個試用期後,你想繼續用張 Club SIM,咁之後的收費又點計呢?版主發現即使是官網,都沒有寫得很清楚,為了讓網友們更清楚了解 Club SIM 收費詳情,版主就致電至 Hotline 查詢過,並同大家揭開官網無講的真相。睇下文啦!

    免費出 Club SIM 送3 個月 5GB 數據!  $28 中國漫遊任用 WhatsApp

    而家只要到 Club SIM 官網申請 Club SIM,就可以免費試用以下五大組合,包括:

    - 遊戲組合 (有效期為一個月)
    - 娛樂組合 (有效期為一個月)
    - 通話組合 (有效期為一個月)
    - 數據組合 - 5GB (有效期為90日)
    - 2日環球數據24小時通行證 (指定亞太地區+)(有效期為90日)

     

    001:遊戲組合

    遊戲組合反而官網又有好清楚寫明,係每個月收費 $48,可用無限數據玩《Garena傳說對決》,而且仲可以免費獲得指定遊戲道具。而家至 12 月,每月首 1000 位申請玩家更有機會額外得到「Club SIM 特別道具包」(價值 $200)。不過,版主自己就未必會揀呢個 offer,因為限死一定係《Garena傳說對決》呢隻 Game,無玩呢隻 Game 的可以無視~XD

    免費出 Club SIM 送3 個月 5GB 數據!  $28 中國漫遊任用 WhatsApp
     

    002:娛樂組合

    呢個其實 oK 吸引,可以無限本地數據任睇 Hmvod App 電影庫內的所有影片,但官網就竟然沒有寫清楚價錢。版主問過,呢個娛樂組合都係 $48 / 月,另外仲會送兩張 Hmvod in-app 電影券 (有些電影需要電影券才能觀看),並且仲會有 hmv kafé 88折餐飲優惠以及 hmv 9折購物優惠。你又會否考慮呢個組合呢?

    免費出 Club SIM 送3 個月 5GB 數據!  $28 中國漫遊任用 WhatsApp
     

    003:漫遊數據

    官網寫住「漫遊組合每日低至 $28」,但邊度嘅漫遊數據低至 $28,佢又無寫得清清楚楚,無辦法下版主唯有向 csl. 問清楚,原來低至 $28 只係講緊中國同澳門,不過雖然係咁,但其實都唔算貴,因為俾左呢 $28,你就可以在中國漫遊任用 WhatsApp,但要注意的是,每日只有 500MB 用量,500MB 之後會限速至 256kbps,但繼續 WhatsApp 就算係 send 相都好夠用。另外,Club SIM 呢個漫遊組合,並不支援VoIP、 Bit Torrent、點對點文件共享(如FTP文件共享及視訊品會議攝影機)、Peer Casting 應用程式(如PPLive 網絡電視、PPStream (PPS網絡電視))。
     
      地區 每日收費
    A 中國、澳門、澳洲、柬埔寨、印尼、印度、日本、馬來西亞、新西蘭、菲律賓、星加坡、日本、台灣、泰國、南韓 $28
    B 加拿大、法國、德國、意大利、西班牙、美國 $68
    C 緬甸、巴西、俄羅斯、挪威、馬爾代夫 $98
     

    004:數據組合

    新申請張 SIM 會送有效期 90 日 (三 個月) 共 5GB 數據,用完 5GB 本地數據之後,每次購買數據,都可以延長 90 日有效期。有 1GB、2GB、5GB、6GB、11GB、12GB、20GB 可供選擇,至於收費詳情,官網就無寫到,就等版主話你知:
     
    1GB $48
    2GB $96
    5GB $148
    6GB $196
    11GB $296
    12GB $344
    20GB $398
     

    005:通話組合

    每個月 $28,就可以無限在本地任傾電話,而且仲包括全套 VAS 服務,包括來電轉駁、通話保留、會議通話、來電顯示以及來電待接。$28 任傾電話,對於有需要的網友來說,應該係幾抵嘅,但如果好似版主呢啲比較少傾電話嘅人來說,即使係抵都未必吸引到我去用。

    仲有啲乜嘢需要注意呢?
    好重要,就係 Club SIM 暫時未有得可以 MNP 帶號碼轉過去,一定要開新 number,呢點就有點唔方便。但某程度上,無可否認呢張 Club SIM 係幾抵玩嘅,趁住而家有得免費試用,大家都可以申請返張試用過再決定繼唔繼續用佢。你又申請左未呢?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁