主題:中國內地開戶必備!csl. 新服務「86-易」,每月 $18 申請大陸號碼

ePrice HK
  • 發表時間:2018-05-19 16:32 收錄檢舉
    記得曾經有段時間,版主係好想搵返張一卡兩號儲值卡,所以就買咗張中國聯通跨境王加強版。唔係為咗要在大陸打出打入,純粹係想要個大陸 number,主要係有需要開大陸銀行戶口 / 大陸 App 賬號時,收 SMS 驗證碼用。如果你人在香港,沒有一卡兩號,你就收唔到發送去大陸電話號碼的 SMS。所以對於我來說,一卡兩號是很重要的。中國聯通張 SIM,就算你唔用佢,每個月都會從餘額扣取 $18 行政費,然而 csl. 今日就宣佈,只要你係客戶,同樣每個月 $18 就可以有個大陸號碼收 SMS 用,似乎用緊 csl. 的版主,可以考慮棄用聯通。

    中國內地開戶必備!csl. 新服務「86-易」,每月 $18 申請大陸號碼

    csl. 在 Facebook 專頁上宣佈,推出 86「易」的新功能。只要你是 csl. 的客戶,平時不時都需要往返內地,或者用到大陸的應用程式,就可以在 csl. 官方 app 上,透過 86「易」登記一個內地號碼。而呢個內地號碼主要用途,並不是給你打出打入、上網用,而是主要讓你可以收取大陸的 SMS,對於要在大陸開銀行戶口,有時需要用 ebanking 管理財務,或者需要在大陸應用程式開賬戶的人來說,實在是相當有用。你又點睇呢?

    申請方法:
    1. 下載 csl. 流動應用程式

    2. 選擇「86-易」
    中國內地開戶必備!csl. 新服務「86-易」,每月 $18 申請大陸號碼

    3. 查看計劃內容,確認完成申請程序
    中國內地開戶必備!csl. 新服務「86-易」,每月 $18 申請大陸號碼
    ▲ 每月 $18,訊息儲存上限為 200 個。而版主問過,係唔需要合約的,你隨時打返電話上 Hotline 取消就得。

    中國內地開戶必備!csl. 新服務「86-易」,每月 $18 申請大陸號碼中國內地開戶必備!csl. 新服務「86-易」,每月 $18 申請大陸號碼
    ▲ 留意條款,申請的國內電話號碼,是由浙江連連科技有限公司提供的。另外,申請此項服務需要實名制,不過假如你本身已是 csl. 客戶,一早已經提交咗資料俾 csl.,就唔需要再實名,一按「確認」就即時取得大陸號碼。

    4. 確認完後就可以在 App 內收取大陸 SMS。
    中國內地開戶必備!csl. 新服務「86-易」,每月 $18 申請大陸號碼
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁