▲ 戴個頭盔先，我今次主要係去東京都嘅範圍活動，未知道呢張卡喺東京都外嘅地方速度如何，個人建議大家事前做好準備工夫。去 NTT Docomo 網站，參考當地 4G 覆蓋範圍：參考連結。
▲ 個人來講，有得上網係好重要，WiFi 等唔切，我要即時係電話上到網。
點解要揀呢張卡
你可能會問，乜去日本上網唔係買富士卡 (版主 Keith 之前介紹過) ，或者去到當地買 So Net 嗰 D 咩? 錯啦你,嗰 D 電話卡，無限上網嗰隻，多數係限速，上網極慢。要速度快的，用夠 100-150MB 後就落 128kbps 地獄。當你有時真係唔小心咁樣 upload 左多好多嘅相，過左個限額咁就好慘，128Kbps 地獄真係好慢，慢到連平時大家喺東京用開嘅「乘案換內」都要 load 下一陣。為避免呢個問題，Wilson 今次為大家介紹嘅係由 3HK 副品牌 Network III 推出嘅漫遊數據卡，當中包括在日本／馬來西亞／澳門呢3個地方 3GB 4G數據用量，而有效期為 7日，價錢方面真係抵啦，喺深水埗桂林街 SIM 檔，只係賣 HK$150 左右。
▲ 呢張 Network III 其實係澳門、馬來西亞及日本都可以有 3GB 嘅容量。
優點與缺點
到底呢張卡係點呢，我就喺今次東京之旅用呢張卡，我相信呢張卡係無伏嘅，所以都無帶到任何後備上網卡，其實當地嘅 Bic Camera 同埋 Sofmap 都有賣其他嘅上網卡，不過無係香港買定咁抵，同埋會用嗰陣會改變左你手機嘅設定（如影相會有聲，甚至用張卡會令到成部機轉左去日文，要校返），作為對資訊好講究嘅我都係追求落地就可以立即上到網。當我執筆之時就係飛機回程嘅時候，所以呢篇文大家睇嗰陣應該係最新嘅 update，講下張卡嘅要注意嘅事項先。
1. 7日 3GB 數據用量，無單日用量限制，但係用晒就無。
2. 使用日本最強嘅 NTT Docomo 4G 網絡，連上緊富士山都上到網
3. 唔洗自己set APN，即使你係 iPhone 又好 Android 又好，都唔洗set，好啱唔熟悉電話設定嘅人用
4. 落地就可以上到網，即開即用，唔洗打任何 code，唔駛轉 APN
5. 不能Share Wifi
點樣先用到當地嘅 4G上網，據 NTT Docomo 嘅資料顯示，佢地喺當地係主力使用使用 Band 1 嘅網絡，而輔助則用 Band 3，即是你嘅手機主要是支援 FDD-LTE 2100MHz 基本上都喺當地係用到 4G上網，當然最好嘅係有埋輔助用嘅 Band 3，即是 FDD-LTE 1800MHz，入到室內都有強嘅穿透力收到網絡，而同時支援以上嘅頻譜手機大約今次及上年嘅旗艦手機，想知道有無支援可以去 ePrice 嘅資料庫到搵。
今次我去旅行用嘅係 HTC Butterfly 2 手機，而後備機係 HTC One M9，在官網可見呢兩部手機支援到當地嘅 Band 1 同 Band 3，理論上喺當地係可以收到4G上網。不過，呢個係一個可能好危險嘅測試，過往有人喺香港買左上網卡後，過到去插嘅係 HTC手機，但係上唔到網，呢個係我都解釋唔到嘅問題，但今次我用 HTC 機係日本上網，完全無問題。
▲先講下日本嘅NTT NTT Docomo，日本嘅 NTT Docomo係日本最大嘅網絡商，覆蓋率勁到連富士山嘅山頂都可以收到 4G上網。以東京都為例，從上圖可見，你可以見到東京高達 90% 嘅地方都可以收到超過100Mbps嘅 4G上網。
▲唔想咁多廢話住，先講下呢張卡先啦，你可見嘅係呢包裝好簡潔，得個包裝、一張簡單有用嘅說明書、同埋張卡。因為呢張卡已經可以做到落地上網，大家用呢張卡嘅時候就可以好似我咁喺飛機上面到換卡，咁落機就可以用了。
▲你可以見到呢張卡可以好簡單咁按需求去變左做Micro Sim 卡，甚至 nano Sim，適合唔同嘅手機。
▲呢個係 APN嘅設定教學，不過我落機嗰陣都唔洗入去設定APN，相信大家都好似我咁嘅情況，所以呢個只供參考。
▲ 提下大家，呢張卡係數據漫遊卡數據黎，所以提醒下大家記住喺手機設定中開啟數據漫遊，當然返左香港後記住關掉數據漫遊。
▲落到地後，開啟呢張卡嘅時候可以睇到，你嘅手機嘅狀態列有個「R」嘅標誌，「R」即是 Roam，姐係漫遊緊，而且你都收到 3 嘅SMS，同你講左你可以用得佢黎上網，呢下真係開心到上太空漫遊。留意，3 香港打多左 20MB 係香港嘅用量，等係返香港落飛機已可以用 WhatsApp 報平安，唔駛換 SIM。
速度測試
▲成田機場（下載 13.63Mbps，上載 7.16Mbps，延遲 204ms）
▲上野駅（下載 10.52Mbps，上載 3.09Mbps，延遲 202ms）
▲日本新宿站JR上（下載 11.41Mbps，上載 7.26Mbps，延遲 196ms）
▲日本新幹線上（下載 10.01Mbps，上載 4.50Mbps，延遲 185ms）
▲新橫濱駅（下載 11.91Mbps，上載 7.95Mbps，延遲 181ms）