​儲值神卡! Lycamobile 進軍香港 $68 / 10GB 極速上網

Keith Yim 2016-01-02 16:50 | 3 香港
又有一張好神儲值卡現身!外國好出名嘅「MVNO 細台」Lycamobile 低調進軍香港。Lycamobile 係儲值卡之地:深水埗好難搵,但係總有一間係左近嘅 7-11 便利店,只要你肯叫店員把成個 SIM Tray 倒出來檢查,你應該會買到!

Lycamobile 係香港,用好神奇方法,提供幾項其他儲值卡都做唔到嘅服務,網友最想要係平價上網吧!佢有,$68 月費,包 10GB!速度唔係 384kbps 限速,係快起上來,11MBbps 速度嘅網速。低用量嘅話 $18 有 500MB、$28 有 1GB。上網攪掂增值加改 Plan,唔駛出街狂搵無中文、英文說明嘅增值卷。當然,神卡背後也有限制,等版主為大家了解一下。

//timgm.eprice.com.hk/hk/mobile/img/2016-01/02/204279/keithyim_1_3146_8e24d074c292c4425c0a2373afe86ec9.jpg

Lycamobile 免費出卡,計劃多多

Lycamobile 係外國好出名嘅 MVNO,即係租大網絡商嘅線,再推出自家嘅服務。佢地唔係深水埗賣卡,反而放上網賣,或者你去 7-11 便利店入卡都得。上網訂卡,佢地會免費寄俾你,但裡面係零面值 (其實版主早兩星期已要求寄 SIM,但仲未收到),而係「七仔」買嘅卡,就足面值嘅,有 $48、$58 及 $98 三款選擇。

Lycamobile 卡玩法好多,Lycamobile 儲值卡玩法好「外國」,買左卡,你最好去佢地網站 www.lycamobile.hk,登記左你嘅電話號碼,再揀 Plan,唔係你個電話,就只有打電話與逐 MB 扣錢嘅上網功能。由於佢地嘅 Setting 比較麻煩,入左 SIM 卡你都未必識用。詳細玩法,你買左卡就會知,大約用信用卡加錢,而不同計劃,你都可以選擇自動續期或者上網再揀。

Lycamobile 計劃約有三十五個,版主歸納三種:專打 IDD、專打 Voice Call、低用量上網、高用量上網、Day Pass 上網及話音與上網計劃。其中,比較特別是專為特定人士,例如來自印度、巴基斯坦、菲律賓等地嘅香港居民設計嘅 IDD 計劃,部份更有 IDD + 本地上網。而版主覺得以下呢幾個計劃,會好吸引:

$18 月費包 500MB 數據。​
$28 月費包 1GB 數據。
$68 月費無限上網。


首兩個計劃,專給予低用量網友使用。一個月 500MB 至 1GB 用量,用來玩 WhatsApp、FB Messenger 最好不過。見到無限上網,大家會唸,係咪限速架!  其實,Lycamobile 有寫明嘅:最高 7.2Mbps 但 FUP 係 10GB。即係,首 10GB 用量不限速,之後會限速 62Kbit/s,並會為音樂及視像串流、上傳下載檔案,收取 0.25/MB 收費。不過,$68 有 10GB 不限速用量,仲要係快過 1Mbps 上網速度,呢個價,你點搵?

//timgm.eprice.com.hk/hk/mobile/img/2016-01/02/204279/keithyim_4_3146_960463d5124174b13330b03cef7da48b.jpg //timgm.eprice.com.hk/hk/mobile/img/2016-01/02/204279/keithyim_4_3146_5602c46a50a354260faab8fa7df11f16.jpg
▲ 版主由 7-11 便利店買入 Lycamobile 儲值卡。老實一句, 七仔店員對呢張卡認知幾乎零,若果店員話無呢張卡,不妨請他把擺放 SIM 卡嘅小櫃也拿出來給你看。Lycamobile 香港儲值卡已有中文說明,並已是「三重卡」設計,支援 mini、micro 及 nano SIM。 
 

漫遊澳洲,使用有限制

Lycamobile 係香港使用 3HK 嘅 3G 網絡,並可以獨立顯示 Lycamobile 台號,但網友要留意,lycamobile 係手機上嘅設定比較麻煩,一定要手動加入 APN ;此外,Lycamobile 上網服務,不提供 tethering 網絡分享。不過,最嚴重係全部數據會先經澳洲 Lycamobile 嘅伺服器,再返回香港,有本地 IP 認證嘅視頻服務,如 mytv、i-cable、Nowtv 全部用唔到,當然,普通 Youtube 就無呢個限制嘅。

//timgm.eprice.com.hk/hk/mobile/img/2016-01/02/204279/keithyim_1_3146_f9a91c8ed6d65b887f870b536e81790d.jpg
//timgm.eprice.com.hk/hk/mobile/img/2016-01/02/204279/keithyim_1_3146_c65626dff0044e02c50faab57b00e025.jpg
▲ Lycamobile 儲值卡,玩法很「外國」,記得上網登記,之後入錢、轉 Plan 都係上網攪,網址:www.lycamobile.hk

//timgm.eprice.com.hk/hk/mobile/img/2016-01/02/204279/keithyim_1_3146_e0ecdf332bf5dd80a885b39aced5a314.jpg
▲ Lycamobile 儲值卡支援自動增值!很方便呢!

 

//timgm.eprice.com.hk/hk/mobile/img/2016-01/02/204279/keithyim_5_3146_c796a64e55330fcffe85a1e317f61739.jpg
▲  以上為三十日上網或上網+話音通訊計劃。當中以純數據計劃比較吸引,尤其是 HK$68 無限上網呢款。按呢到有截止文章刊登時,最完整嘅 Lycamobile 話音與上網套餐。 (記得揀英文介面,先會有 $68 呢個無限上網套餐)

//timgm.eprice.com.hk/hk/mobile/img/2016-01/02/204279/keithyim_3_3146_8cdca229b21683f910b4fb5152eda509.PNG//timgm.eprice.com.hk/hk/mobile/img/2016-01/02/204279/keithyim_3_3146_e444ef9b497e33c0c603fde6c05ddfb9.PNG
▲ 版主試過係 iPad Mini 插 lycamobile SIM 卡也用得到,其他智能手機,當然無問題。不過,你要人手加入 APN、user name 及密碼。還記得,當時是平日嘅晚上七點半左右,係旺角以香港 OFCA 測速軟件測速,都有 3.38Mbps 嘅下載成績,但 PING 就高達 331ms。 

//timgm.eprice.com.hk/hk/mobile/img/2016-01/02/204279/keithyim_3_3146_b1f1c25af2943c8275dd5731f5a0b804.PNG
▲ 採用 Lycamobile 香港 SIM 係睇唔到 mytv 嘅。

使用心得分享 Q and A

為左等大家更快了解呢張 Lycamobile ,版主寫了幾條 Q and A,方便大家用最快方法知道呢張卡有乜特別、有乜伏。

1)  Lycamobile 是乜公司來?安全嗎?
Lycamobile 是沿自英國的電訊公司,在世界各地都有經營 MNVO (租網再零售) 業務。Lycamobile 香港分公司是 香港政府 OFCA 認可的 MVNO 營運商,透過 454-23 Network Code 提供服務,租用網絡是和記 3 香港的 3G 及 2G 頻段。

2) 怎樣買到 Lycamobile 儲值卡?
可以上網訂,網址為: www.lycamobile.hk 費用全免,但版主試過,沒有回音亦收不到。建議到 7-11 便利店購買,有 $48 / $58 / $98 三款選擇,足額面值。

3) 點樣使用 Lycamobile  儲值卡? 
Lycamobile 香港版儲值卡是「三重卡」設計,開卡時可揀 mini SIM、MicroSIM 或 Nano SIM。即插即用,但開初共提供基本話音服務,基本收費見下表。如若你要充值,或選擇不同嘅話音、IDD 或上網計劃,必需係佢地嘅官網 lycamobile.hk 登記,再用信用卡值增值及揀選不同組合。

//timgm.eprice.com.hk/hk/mobile/img/2016-01/02/204279/keithyim_1_3146_80f80212f40c46ede36709d6dc87b670.jpg

4) 有無行政費/每月收費 / 唔用幾時到期?
Lycamobile 沒有說明每月要收幾多行政費,應該係唔駛。而網站寫明:如果已超過 90 天未使用您的 Lycamobile號碼,此號碼將失效且無法再次使用。您必須購買新的SIM卡。即係有效期係 90 日,但你只要打一個電話,已可以繼續使用。

5) 可唔可以 MNP 
Lycamobile 網站表示,可以有提供 MNP 攜號轉網服務。

6) 係咪一插卡即上網
根據版主把 Lycamobile SIM 卡插入不同手機、平板與 iPad 作測試,無一部會自動認出上網設定,用家要自行建入有關資料:APN 為 data.lycamobile.hk ,username 為 lmhk,而 password 為 plus。當然,也請你事先申請相關收費計劃。

7) 支援網絡分享 tethering 嗎?
根據版主測試,不論 Android 或 iOS 手機、平板,都不能使用網絡分享 tethering。但可以在平板中使用。

8) 支援 4G LTE 嗎?採用那一個網絡
Lycamobile 香港採用和記電訊 3 香港嘅 3G WCDMA 及 2G GSM 網絡,並不支援 4G 上網。

9) 還有其他方面要注意嗎?
Lycamobile 會把上網連線先轉至澳洲伺服器,令上網 PING 比較高,此外,亦令用家不能使用香港為主嘅視像服務,如 nowTV、TVB myTV、i-Cable 等。

10) 有乜要記嘅 Code
撥打 *132#   後可在手機屏幕上查看您的號碼。
撥打 *131#,直接在手機屏幕上查看您的餘額。
直撥 131 是語音服務查詢。
直撥 141 是接駁客戶服務熱線。

小評:$68 / 10GB 超抵用

版主使用了幾天,發覺雖然只係用 3G 網絡上網,但速度唔差,在文章最後完結之前,再用 Speedtest 軟件測速,速度去到  10.44Mbps 下載;1.11Mbps 上傳!速度令人滿意!但留意嘅係,呢個係推廣價錢,幾時完仲未知。此外,用不到本地嘅視頻服務,亦做唔到 tethering,亦令用途受限。不過,一分錢,一分貨,呢個價,呢個服務,算係咁架啦。

//timgm.eprice.com.hk/hk/mobile/img/2016-01/02/204279/keithyim_3_3146_65751a2d59398a4a536cf2e8373a193d.jpg
▲ 耐不耐就有驚喜嘅速度。 

新加料:用 Lycamobile 睇 Netflix:有得睇 House Of Cards! 

最新新聞