主題:CMHK 藍卡有對手! 聯通 4G 數據王 $90 4G 無限上網卡現身! 

ePrice HK
  • 發表時間:2016-12-30 21:30 收錄檢舉
    要 Cheap Cheap 地上網,好多人會選擇中國移動香港嘅「4G/3G 數據及話音儲值卡」由於佢封面係藍色,識玩嘅都叫佢做 CMHK 藍卡。呢張卡原價 $80,深水埗桂林街 SIM 檔最近賣 $60 張左右。呢張卡用到 30 日 384kbps 無限上網,雖然叫 3G Lite,但係人都知可以用 4G 網絡。但有人話 CMHK 麻麻,或者你去開嘅地方唔係 CMHK 有強網絡嘅地方,點算?l 中國聯通香港即日推出 4G 數據王儲值卡,一樣有 $88 4G Lite 計劃! 版主試過!  

    CMHK 藍卡有對手! 聯通 4G 數據王 $90 4G 無限上網卡現身! 

    唔駛月月買張卡
    呢張中國聯通 4G 數據王,面值 $46,開卡即扣兩蚊行政費,即得 $44 面值,之後每月再扣 $2。$44 面值,若果你要上網,其實你一定要增值。因為佢可以申請嘅計劃,係唔值增嘅情況下,最多可以申請 $38 / 2GB  / 三日計劃。不過,呢個唔係亮點,亮點佢有一個 $88 /30 日無限上網嘅計劃! 而佢係用 3HK 嘅 4G 網絡,但速度限左係 384kbps,但沒有用途限制,3GB 後限速 128kbps。呢張卡可以用信用卡增值,最少可以值增 $10,所以你係可以剛剛剛好增值 $44 蚊就可以用到呢個 Plan。下個月,再增值 $90 就得 (兩蚊行政費)。呢張卡,暫時只在中國聯通香港門市有得賣,深水埗未有。

    CMHK 藍卡有對手! 聯通 4G 數據王 $90 4G 無限上網卡現身! 
    ▲ 版主今日先買卡,好快開左卡,記住佢嘅數據係預設開啟,$0.002/KB 咁收費,無啦啦扣左錢就唔太好啦,所以換卡前,記得先 OFF 左你部機嘅 Data Network。SIM 卡就係三重設計,適合大部份手機。

    CMHK 藍卡有對手! 聯通 4G 數據王 $90 4G 無限上網卡現身! 
    ▲ 呢張卡使用 3HK 嘅 3G 及 4G 網絡,亦有中國、澳門及台灣話音及數據漫遊,不過收費唔平,漫遊上網 $3 / MB。

    CMHK 藍卡有對手! 聯通 4G 數據王 $90 4G 無限上網卡現身! 
    ▲ 開卡即扣 $2,張卡得番 $44,唔夠錢申請無限上網 Plan。

    CMHK 藍卡有對手! 聯通 4G 數據王 $90 4G 無限上網卡現身! 
    ▲ 唔想限速,都有其他 4G 正速 plan 選擇。

    CMHK 藍卡有對手! 聯通 4G 數據王 $90 4G 無限上網卡現身! 
    ▲ 上網用信用卡增值,最平 $10,打後一蚊一蚊咁加上去都可以,滿 $50 就有折 (唔係送增值額,係平比你)

    CMHK 藍卡有對手! 聯通 4G 數據王 $90 4G 無限上網卡現身! 
    ▲我就加左 $44。剛剛夠錢申請無限上網。

    CMHK 藍卡有對手! 聯通 4G 數據王 $90 4G 無限上網卡現身! 
    ▲ 再係手機打 Code 就申請到 $88 / 30 日無限上網計劃。

    CMHK 藍卡有對手! 聯通 4G 數據王 $90 4G 無限上網卡現身! 
    ▲ 立即做下速度測試,版主係旺角西洋菜街 StarBucks,速度見圖,沒有驚喜大約 400-420kbps 左右。剛剛試過 Tethering 都無問題。
     

    話音算平

    呢張 「中國聯通 4G 數據王」另一個特色係話音通話好平,唔分網內網外,打出定打入,本地通話一律 $0.07 一分鐘,儲值卡來講,係平嘅選擇。另外,佢係中國大陸,澳門,台灣接聽電話都係 $1.8 一分鐘,用來做話音漫遊,都係超平。另外,佢又有一個回撥 IDD 計劃,以打番香港為例,HK$10 /月,就可以係其他地方,打番香港講 20 分鐘電話。所以你唔用呢張卡上網,用來做 Voice,尤其係漫遊,都十分抵。當然,沒有中港一卡兩號,會係比較遺憾嘅事吧。

    CMHK 藍卡有對手! 聯通 4G 數據王 $90 4G 無限上網卡現身! 
    ▲ 作為漫遊卡,收費都算平。
     

    有限速無限上網計劃的儲值卡比拼

     
    儲值卡名字 4G 數據王 4G/3G 數據及話音儲值卡 Barkadahan sa SmarTone
    網絡商 中國聯通 中國移動香港 數碼通
    4G / 3G 3HK  4G/3G CMHK 4G/3G 數碼通 3G
    卡價 $46 $80 $
    限速計劃 $88 / 30 日/3GB FUP 128kbps $30 / 10 日,首十日免費 $98 / 30日 / 只限手機網站,不能 Tethering
    實際速度 400kbps 700kbps 400kbps
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁