平過紅米 2、魅藍 m2!中移動 and! A1 、 N1 三百蚊買得到!
講到百元機,係香港行貨選擇其實都唔算好多,較為熱門可能係小米的紅米 2 或者係魅族的魅藍 m2。(紅米 Note 2 都櫃受歡迎但價錢要一千以上)。 CMHK 係上年其實都推出左自家品牌 and! 系列兩款新機,分別係 N1 同埋 A1 ,雖然定價並唔平,主打中港 4G + 3000mAh 大電的 A1 價錢都要 $888 ,而有中港 4G 加 f2.0 大光圈仲用到香港 VoLTE 的 N1 更加要 $1288 。兩部機規格都唔算突出,平時當然無乜人會考慮。不過,呢兩部機一直係 CMHK 「優惠常客」,好多促銷活動都會見到 A1 同 N1 的身影。好似近日 CMHK 搞嘅「週末狂賞」限時優惠,A1 同 N1 又有份減價,兩部同樣只係賣 $318 蚊!其實今次 CMHK 減價唔算最狠,之前搞的雙 11 優惠兩部機更加只係 $111 ,但話咁快就賣晒,成功入手的網友相信唔多。今次 CMHK 一樣講明兩者數量有限,各限量 50 部,搶唔搶得過就真係睇大家點睇啦!正常來講,其實兩部機賣 $318 仍然係無怫乜對手的(邊有全新機會賣咁平),紅米 2 而家係小米香港官方網店得返 $929 的紅米 2 增強版,而 csl 網店而家已經無貨的魅藍 m2 減完價後都仲要 $749 。所以如果想以平價買中港 4G 「WiFi 蛋」的話,今次的確係個好機會。但版主個人就不太建議將 A1 、 N1 當主機用了⋯⋯原因大家都懂的,規格問題啊!
▲ and! N1 係規格上會比較出色,用到 VoLTE 同埋有 2GB RAM 以及 16GB 內置容量,相信會比較受歡迎。
▲and! A1 規格相當入門,勝在有 3000mAh 大電,實測過續航力都好出色。
來源:CMHK 官網
CMHK and! A1 係文章刊登時,賣價為 $888,按這裡有詳細介紹及最新報價。
CMHK and! N1 係文章刊登時,賣價為 $1288,按這裡有詳細介紹及最新報價。