主題:可帶號碼 MNP 轉台! 每月$16 包通話、上網! 華龍 4G 一年電話卡 評測

ePrice HK
  • 發表時間:2016-05-24 10:03 收錄檢舉
    根據版主觀察,香港網友上網習慣好極端。有 D 人要求無限上網,一個月五、六十激,亦有人一個月用幾百 MB 但又話要長期連線。所以一個價錢包足一年數據用量再加通話時間嘅一年儲值卡,一直好有市場。記得一年前版主介紹過 $148 包一年 2GB 用量兼 600 分鐘兼可以帶 number 轉台的信京華龍卡。一年後,呢張卡「升呢」支援 4G LTE 網絡,此外,玩法亦大提升! 不變嘅係依然勁抵玩,帶號碼過台,平均每月 16 蚊,堅係低用量或只想儲號碼用家的福音。

    可帶號碼轉台! 每月$16 包通話上網! 華龍 4G 一年電話卡 評測
     

    升級版 華龍 4G 一年電話卡 進軍便利店

    上年發現呢張 MNP 攜號神器,係深水埗桂林街 SIM 檔。今年發行商信京 SHINETOWN 擴大發行網,係總有一間係咗近嘅 7-11 便利店發售。呢張名為「華龍 4G 一年電話卡」採用三合一設計 SIM 卡 (適合全部手機使用),賣 $168 (比上年 3G 版加咗價)。開卡有效年期為 365 日,包了 2GB 本地數據及 1000 分本地及致電中國大陸嘅通話時間,當中再無每月行政費。即係當你完全唔增值,平均每個月都有約 170MB 與 約 83 分鐘打底!呢張卡嘅 4G / 3G / 2G 都係採用 CMHK 中國移動香港嘅網絡。

    呢張新版卡,依舊接受 MNP 攜號轉台,跟上年一樣,只要到 Shinetown 信京電訊係銅鑼灣嘅門市完成就可以,MNP 帶號碼轉台手續費 $20。$168 面值,再加 MNP $20 手續費,即係 Keep 號碼嘅你,一年支出不過是 $188,每月不過是十六蚊左右支出,好過上台出無得上網,只有話費嘅計劃啦。

    可帶號碼轉台! 每月$16 包通話上網! 華龍 4G 一年電話卡 評測
    ▲ 採用三重卡設計,即係 MicroSIM,Normal SIM 及 Nano SIM 卡槽嘅手機都可以用到。

    可帶號碼轉台! 每月$16 包通話上網! 華龍 4G 一年電話卡 評測
    ▲ $168 有 2GB  本地數據 + 1000 分鐘本地通話及致電中國。其實也有一款 $288 有 5GB 本地數據加一千分鐘,但 5GB 版本,要去指定門市購買。

    可帶號碼轉台! 每月$16 包通話上網! 華龍 4G 一年電話卡 評測
    ▲ 一插入手機,手機會自動認出採用 CMHK 嘅 APN。

    可帶號碼轉台! 每月$16 包通話上網! 華龍 4G 一年電話卡 評測
    ▲ 速度都不錯,應沒有限速。
     

    新玩法,用完可以增值

    華龍 4G 一年電話卡,加入了增值增量玩法,即係你用完 2GB / 1000 分鐘,都可以加錢再用。收費見下表。我覺得全年計劃最抵,因為原來第二年收費可減至 $98 平上加平,而中間添食計劃,以全速 4G LTE 計算,收費不算太貴,是儲值卡的合理範圍。

    可帶號碼轉台! 每月$16 包通話上網! 華龍 4G 一年電話卡 評測
    ▲ 其他收費。
     

    同 Hello 卡相比,誰抵

    講到平價儲號碼服務,大家一定想到係 csl. 嘅 Hello 卡。csl. Hello 卡一直有入場費平,卡價只係 $38,每月只收 $2  行政費嘅特別,兼送無限免費 csl. WiFi。不過,要帶號轉台 Hello 卡,唔係易事。首先 Hello 卡其實外傭專用,本地人去申請,唔係唔得,怪 D 囉。此外,唔係間間 csl. 門市都肯做,要打電話去熱線預約。此外,若果要開 Plan 打電話、上網收費都唔平。而「華龍 4G 一年電話卡」帶號上台,每月平均都要 $16,感覺貴一點。但因為已包一定數量話音與數據,要用嘅話都比較方便。

    「華龍 4G 一年電話卡」與 csl Hello 卡,一家又點揀?仲有無其他儲值卡問題,都可以係會員或 Facebook 跟版主發問。
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁