▲ 今次數碼通再推無限上網，亦送了12 套漫遊數據計劃，但其實一日只有 50MB。
$434 無限上網
自取消無限上網後，又沒有一定要換的手機，版主聽過不少在網絡商工作的網友說，轉台人數大減。而數碼通更是把無限上網取消得最厲害的其中一間，大部份計劃，5GB 容量後即 Cut，或你要再加錢買數據用量。今日數碼通宣佈，在本來 5GB 計劃上，每月只要加 $128，會再給多無限上網你用，當然係 5GB 公平使用量。其實數碼通的 5GB 公平使用量過後，一直都係以網絡之優先次序，唔似得 3 香港，過了公平使用量，立即跌落 128kbps 地獄。計過了，以帶機上台計劃來說，計埋每月 $12 +$36 行政費及 VAS 費用，最平 $434 就可以享用無限上網，簽 24 個月合約，抵唔抵？以下圖表 Show 比你睇。
高數據用量收費比較
| 5GB | 10GB | 20GB | 無限上網 | |
| 數碼通 | $270 | $434 | $434 | $434 (*) |
| One2Free | $279 | $762 (&) | $1764 (&) | 沒有提供 |
| 3 香港 | $260 | $360 | $480 (&) | $1378 (#) (&) |
| PCCW | $250 | $310 | $410 | 沒有提供 |
| CMHK | $230 | $380 (&) | $680 (&) | 沒有提供 |
(*) 數碼通是有 5GB 公平使用量條款：當每月數據用量達到 5GB 公平使用量 ，可繼續使用數據服務，而沒有速 度限制或數據用量上限。使用網絡之優先次序將會較低 ，數據服務體驗或會受影響 。
(#) 3 香港有 35GB 每月公平使用數據用量。用家可繼續使用流動數據服務，惟使用網絡之優先次序將會較低，而你的數據服務體驗或會受影響。惟數據上下載速度將不會受限制至低於128kbps。
(&) 沒有提供該用量計劃，以前一個的月費計劃，再買 Data 用量收費，計算出來。
過 20GB 先有著數
數碼通無限上網月費，係咪最抵，視乎你真正用量。你每月用 5GB，其實 CMHK 中國移動香港的 SIM only 計劃最平。你每月用 10GB 呢，3 香港與 PCCW 都係平價之選。用過 20GB，數碼通才是無敵。而只有 3 香港與數碼通真正提供無限上網，但大家注意，3 香港去到無限上網的 Level，其實有 35GB 公平使用量，家陣 3 香港一過「公平使用量」，會狠狠把你的上網速度，打落 128kbps 地獄，即係最多 35GB 。而數碼通寫明「網絡次序」作 5GB 公平用量後的安排，更沒有了地獄 128kbps 速度，上網誇張的用家，有得唸。
▲ 有住村屋的網友，也說 PCCW 的 8MB 寬頻又貴又慢，今次數碼通重開無限上網，也包括 Pocket WiFi 、USB Modem 數據 ONLY 計劃。$238 月費，再加 $18 增值服務及 $12 行政費，再加 $128 無限上網附加費，即係 $398 月費，無限上網。但呢個 PLAN，數碼通只係寫了 5GB 「公平使用量」後，是使用網絡之優先次序將會較低 ，數據服務體驗或會受影響，但依然有可能速度至 128kbps 的條款，大家要注意了。另外，4G LTE Pocket WiFi 也要自備吧，市價大約 $900 左右就買到。