Smartone 網店終返貨!半價 HTC A9+平價 Nexus 5X 回來了
無錯,今次 Smartone 隆重其事為自家網上商店舉行記者會,重頭戲就係兩部「超級優惠」主角回歸!係 Smartone 網店開張時, HTC One A9 3GB RAM 版本就有半價大優惠,只需 $2249 就可以入手,價錢抵過大鋪或者其他電訊商。而 Nexus 5X 的 32GB 版本都只係賣 $2798 ,雖然未有好似 A9 咁半價平賣咁誇張,但隨住 Google Store 調整賣價, Smartone 網店的「超級優惠價」吸引力相對上更大。不過, One A9 同埋 5X 係網店開賣幾日之後,已經售罄。今次版主 Keith 都係記者會上問到幾時會有貨呢個問題, Smartone 回應就話今日 HTC One A9 同埋 Nexus 5X 都會返貨,上次衝唔到平機的朋友今次要快手啦!(已返貨,買就要快,立即進入 shop.smartone.com )▲早前 Nexus 5X 仍然顯示為「暫時缺貨」,但係 18/2 六時左右,貨已返。
▲另外,大家可以留意,目前 Smartone 網店只係得返銀色 32GB 版本,灰色版就無左 32GB 選項。此外,本來送嘅 HTC Rapid Charger 快充依然無貨。( 18:53 更新:One A9 又無貨)
Smatone 獎賞高達 10 萬蚊!細節要留意!
為左慶祝 Samrtone 網上商店開張,除左上面提到的 HTC 以及 Nexus 手機優惠之外,仲有個 $100000 獎賞。內容就係:「係 2016 年 2 月 18 號下午 4 時至 2016 年 2 月 23 號下午 3:59 期間,每日第一位及之後每第 10 位在網上商店購物的客戶,最高可有 $1000 回贈,作日後購物之用」。亦即係,在上述日子期間,每日 16:00 至次日 15:59 ,第 1 位、第 11 位、第 21 位如此類推至第 191 位在網上商店成功訂購貨品的客戶(每日最多共 20 名),有機會得到全數 $1000 回贈。不過,要留意係有關金額係會回贈至得獎者的網上商店賬戶,作日後購物之用,而唔係即時有得回贈的。▲ 相比起 5X 同埋 A9 回歸,版主個人就覺得呢個 「$100000 獎賞」唔太重要了~
來源:Smartone 網店