最近網友流行玩中國大陸網絡定制 4G 神機，早前介紹過中興的 Grand S，今次我們介紹另一個品牌 Coolpad。Coolpad K1 被網友留意，因為大陸賣緊唔駛一千蚊人仔，香港水貨只係千三蚊有找，已經可以連上香港 4G LTE 網絡，加上5.5 吋大芒 + 四核心 CPU，係咪好吸引？更有傳它用到香港移動香港 CMHK 的中港 4G 漫遊。真的嗎？
▲ Coolpad K1 是一部 5.5 吋屏幕的大手機，拿上手份量感十足。
Coolpad K1 詳細規格：
制式：4G FDD LTE Band 3 (1800)、Band 1 (2100) ；4G TDD-LTE Band 41( 2600)；3G WCDMA 900 / 1900 / 2100；2G GSM 900 / 1800 / 1900尺寸 : 153.3 x 77.7 x 8.1mm
重量:170 g
屏幕： 5.5 吋 960 x 540 屏幕
處理器 : Qualcomm Snapdragon 400 1.2GHz 四核心處理器
RAM: 1GB
ROM: 4GB (支援最大 32GB 外置插卡）
鏡頭： 800 萬像素鏡頭、200 萬像素前鏡頭 （ LED 補光燈、支援 1080p 影片拍攝）
電池量： 2500 mAh （可換式）
售價：$1,280
$1,300 有找 4G ＋ 四核！ Coolpad K1 係咪性價比最高 4G 機？！
網友仲記唔記得上星期版主都提過幾次平價 4G LTE 機， 入門級既 Sony Xperia M 、 HTC Desire 610 都係賣緊 $2,000 頭，另一部 Alcatel OneTouch Mini S 千八蚊有找! 有冇更平既選擇？版主搵到一部行到香港 4G LTE 既大陸牌手機 Coolpad K1 ，水貨價 $1,280 就買得到啦。大家聽到酷派手機 (Coolpad）可能覺得個名好大陸，其實香Coolpad 母公司「中國無線」係香港上市公司，都算係一個唔細既手機生產商。今次同大家介紹既 Coolpad K1 本地店鋪引入的，都係聯通定制版 7620L。有「水貨」與「行貨」兩款。不過，版主了解過，所謂「行貨」，賣價是至 $1399，只係有代理應投了一年保養責任，有單有據。此外，「行貨」也會預載了 Google Play Store,，而根據版主所了解，「行貨」最新版本 ROM 有著繁體中文，用起來也比水貨方便。講番呢部手機既規格，佢係用 5.5 吋 qHD 960 x 540 解像度屏幕、 Qualcomm S400 1.2GHz 四核處理器、1GB RAM ，內置 4GB ROM 並可以外置插卡，鏡頭方面是 800 萬像素鏡頭和 200 萬像素前鏡頭，亦有 2500mAh 可換式電池。版主拿過上手看，這部機 170g 的手機真的稍為重了點，機背的仿皮質感有點像 Samsung Galaxy Note 3 ，在入門四核 4G LTE 手機中是比較重的一部。
▲5.5 吋的 qHD 屏幕說不上好，在正常使用時會覺得有點起格的情況，但也不是太差。安兔兔跑分方面是 17811 分，和其他的 Qualcomm S400 機種差不多，略略比起紅米手機快一點。
上網速度測試
香港賣緊的 Coolpad K1 無論「水貨」定「行貨」也要中國聯通定制版本 7620L，雖然它是 4G LTE 手機，大家要注意，這部機是支援 4G FDD-LTE 的 1800 與 2100 頻段 ，在香港會用唔到主流 2600MHz 訊號， 接收可能會比行貨差一點。對了，因為是聯通定制手機，不支援 TD-LTE Band 38, 39 及 40 頻段，所以也是用不到中國移動 CMCC 的 4G LTE，亦是說，此機不能享用到中國移動 CMHK 的中港 4G LTE 數據漫遊計劃。Coolpad K1 7620L 版本，也是一部雙卡雙待手機，SIM Slot 1 支援 TDD/FDD 4G LTE、3G WCDMA 及 2G GSM；而 SIM Slot 2 則支援 2G GSM。
▲ 版主用 CSL SIM 卡在香港測試速度，因為 CSL 4G LTE 網絡的 1800 頻段頻寬有 20MHz，速度是正常 4G 的速度。而用 CMHK SIM 卡在香港測速，因為 CMHK 的 1800 頻段，只分了頻寬約 5MHz作 4G LTE，速度很多時會不過 10Mbps 。
▲ 最近有份香港知名電腦雜誌，據稱把 Coolpad K1 中國聯通定制版本 7620L拿上深圳，試用 CMHK 的中港4G 數據漫遊，居然有晒速度比拼。不過，版主的實測，結果完全不一樣。Coolpad K1 7620L，插上中港移動香港的 SIM 卡，在大陸只支援 2G GSM，最多只能接上 2G 上網。同一地點，我們用 vivo Xplay 3S，這部肯定支援中國大陸 CMCC 4G 網絡手機，再以早前測試 Coolpad K1 的同一樣香港 SIM 卡，在同一地點，是收到 4G 訊號，上網還好快速。ePrice 版主得到的結果是：Coolpad K1 中國聯通定制版本 7620L，不支援 CMHK 的中港4G 數據漫遊，那本雜誌的數據是「創作」出的成數好高。
平價八核挑戰紅米？！ Coolpad F1 賣 $1,280 ！
另一部被稱為 「紅米殺手」既 Coolpad 手機，就係平價八核的 Coolpad F1 啦。Coolpad F1 不支援 4G LTE，oam 採用 5 吋 720 x 1280 解像度屏幕、 MTK MK6592 1.7GHz 四核心處理器、 2GB RAM ，內置 8GB 容量，1300 萬像素顗頭和 500 萬像素前鏡頭，電池方面是 2500mAh 可換式，各方面都比起紅米優勝，而定價就是 $1,280 ，跟紅米在場內的「炒價」差不多，網友又諗唔諗到有機可以同佢比拼性價比？版主試過追部手機的安兔兔跑分是 26000 分左右，跟其他八核手機差不多，但以這個規格來說賣 $1,280 算是便宜的一部，機內亦有店家裝入去的 Google Play Store ，要說稍為不方便就是語言只有英文和簡體中文。
▲Coolpad F1 上手感覺有點像紅米，不過它是有 Apps Drawer 的，要說比較麻煩的是沒有繁體中文，只有簡體中文和英文可以選擇。
Coolpad F1 詳細規格：
制式：3G WCDMA / 2G GSM屏幕： 5 吋 1280 x 720 屏幕
處理器 : MTK MT6592 1.7GHz 四核心處理器
RAM: 2GB
內置容量: 8GB (支援最大 32GB 外置插卡）
鏡頭： 1300 萬像素鏡頭、500 萬像素前鏡頭 （ LED 補光燈、支援 1080p 影片拍攝）
電池量： 2500 mAh （可換式）
尺寸 : 141 × 71.5 × 9.3mm
重量:151g
售價：$1,280
▲店鋪入貨的 Coolpad 是 WCDMA + GSM 雙卡雙本，亦是可以外置插卡和換電
▲Coolpad F1 安兔兔跑分是 26593 分，跟 Qualcomm S600 世代四核心處理器速度差不多，有著 2GB RAM 對於 $1,000 頭的手機來說也是少見了
查詢：小米之家 @ Smart Digital 34230402
地址：深水埗福華街 175 號福仁商場 1 樓 21－22室