方案一：轉投數記 無限上網玩晒
csl. 今次加月費，其實只係影響新上台客戶，若果你用緊 PCCW-HKT 或 One2Free 舊計劃，影響不大。但若果你快到期，或者想轉台，csl. 變了高用量用家的地獄。5GB 以上，全部月費不是最平！最有趣是數碼通的 10GB 計劃，是故意做出來，因為無論 5GB 或 10GB 計劃，都是加 $128 + $36 增值服務升級無限上網，反正都無限，為何要先揀 10GB? 貪佢貴 HK$2？去到 15GB 用量，CMHK 會平少少；去到 20GB 以上，數碼通就是無敵了。若果你堅持要用 csl. 又要揀上台計劃，不如申請多機共享或多人共享，網絡商會送多幾張 SIM 你用，幾張 SIM 分享相同月費，用到 15GB 起，會比較抵玩。
特別一提，數碼通無限上網，有公平使用條款，但跟其他網絡商不同，過了指定用量 5GB 或 10GB 只是有機會使用網絡之優先次序被調低，寫明不會限速，跟其他公平使用條款不太相同呀。
| 5GB | 10GB | 15GB | 20GB | |
| 數碼通 | $306 | $436 | $434 (*) | $434 (*) |
| csl. | $260 | $400 | $895 (&) | $1390 (&) |
| csl. 多機共享 | $340 | $460 | $710 | $710 |
| csl. 多人共享 | $400 | $520 | $770 | $770 |
| 3 香港 | $240 | $340 | $790 (&) | $1240 (&) |
| CMHK | $230 | $380 | $410 (&) | $610 (&) |
(*) 數碼通的 15GB 及 20GB 用量，其實是以 5GB 計劃，再配合無限上網 Add-on，實際已是無限上網。而此計劃，設有 5GB 公平使用量條款：當每月數據用量達到 5GB 公平使用量 ，可繼續使用數據服務，而沒有速度限制或數據用量上限。使用網絡之優先次序將會較低 ，數據服務體驗或會受影響 。
(&) 沒有提供該用量計劃，以用爆 Data 使用量，再額外購買 Data 計算出來。
方案二：用 PCCW-HKT 4G 儲值卡 平過上台
今次 One2Free 合拼 PCCW-HKT，月費計劃是 One2Free 化，把以前比較抵用的 PCCW-HKT 計劃都取消了。不過，似乎他們未預備好，居然發生儲值卡平過月費計劃的情況！PCCW-HKT 有一張跟香港旅遊發展局合作的「Discover Hong Kong 香港任縱橫」儲值卡，$118 賣價的版本是支援 4G LTE 網絡。開卡已包八日 5GB 不限速上網、無限通話、無限 csl.WiFi。如果一個月買 4 張用 32 日， 共 20GB 用量，總支出 $472 ! $472 有 20GB 4G 數據用量，比起 csl. 本身月費都要平，也只是差數碼通幾十蚊。當然比較麻煩的一點就是每 8 日就要換一次電話號碼（或者飛線）。另外這張卡，裡面有 $48 的儲值額可以用來打 IDD 或者澳門漫遊 Day Pass ／ 40MB 上網 ，開通之後有效期 180 日。所以就算用完都唔好掉，留番低都有用架！
可惜版主搵過鴨寮街 SIM 卡檔係搵唔到平貨，要入手似乎就只有跟官方價錢 $118 了，版主亦去到門市問過，暫時都仲會賣呢張卡，而會唔會突然間改價錢或者收起呢張卡？門市店員就話暫時未有消息，但留意到條款有寫「保留更改收費及有關收費之權利。」 唔知仲可以玩到幾耐呢？
▲這張是 3G 版本的 香港任縱橫 SIM ， 4G LTE 版會有點不同，要問清楚先好買。不過賣到幾時真係冇人知，可以係 PCCW 、 7-11、 Ok 便利店都有得賣。
| 電訊商 | 數據用量 | 月費 | 額外收費 | 20GB 收費 |
| CMHK | 10GB | $310 | $30/1GB | $610 |
| csl. | 10GB | $400 | $99/1GB | $1,390 |
| csl. (多人共享) | 20GB | $770 | $99/1GB | $770 |
| csl. (多機共享） | 20GB | $710 | $99/1GB | $710 |
| SmarTone | 5GB | $306 | + $128 無限 * | $434 |
| SmarTone | 10GB | $436 | + $128 無限 * | $564 |
| 3HK | 10GB | $360 | $90/1GB | $1,260 |
| 香港任縱橫卡 (32日) | 20GB | $472 | / | $472 |
▲ PCCW-HKT「香港任縱橫卡」4G-LTE 版本，跟其他上網計劃比較。
(*) 數碼通的無限上網 Add-on 設有 5GB 或 10GB 公平使用量條款：當每月數據用量達到 5GB 或 10GB 公平使用量 ，可繼續使用數據服務，而沒有速度限制或數據用量上限。使用網絡之優先次序將會較低 ，數據服務體驗或會受影響 。
▲這裡有這張卡的收費，裡面 $48 儲值額可以澳門漫遊一日，留意是買 $118 的那張 SIM 卡才有 4G LTE