開心電訊唔開心上網
呢張卡由一間不知名公司出品。根本香港有不少我們叫作 「MVNO」 的公司，租了網絡商的頻寬，推出來不同計劃組合的儲值卡，當中也有無限上網或一個月百幾蚊，有十幾 GB 用量選擇。而今次試的新卡叫「開心電訊預付卡話音王」，可惜用呢張卡上網一 D 都唔開心。呢張卡面值 48 蚊一張，深水埗鴨寮街及桂林街一帶 SIM 檔只賣 $20，最吸引到版主注意是寫明送首月無限上網。版主有唸過，廿蚊一個月無限上網，有 4G 3G 足 Speed 會太過份，其實就算是限速也好抵玩，放係平板到用，抵過之前版主介紹過的中國移動香港 3G 4G 儲值卡的五十蚊一個月用 4G Lite。20 蚊兩個月無限上網
版主打開張卡一睇，有三個無限上網計劃，9 蚊一日，18 蚊星期及 38 蚊一個月，張卡值 48 蚊，即係我仲可以申請多次一個月無限上網!!!! 不過，晴天霹靂的一刻發生了，說明書內頁列明數據，即上網服務，是 2G 來！！ 最好笑是，封面明明是講給予 3G 及 4G 手機使用，無提及 2G 手機，而無限上網也有5GB FUP 公平使用量，2G 速度用 5GB? 就算用得晒，之後限速難度快過128kbps? 版主試用過，其實呢張「開心電訊話音王」用的是 CSL 網絡，上網可以用 3G WCDMA 或 2G GSM, 開卡即上網。3G 網絡下，上網下載速度，唔會快過 120kbps。呢張卡是真正地獄速度之卡。上網慢到咁，不過用來 Whatsapp, LINE, FB messenger, 全部無問題，試用的大半天都無 miss 過 message。版主係到唸，似乎未來無限上網一定會有，除了像 Sun Mobile 一樣限速再減速計劃，網絡商隨時再用番 2G 速度提供無限上網服務，2015年都變返 2005年囉。
▲ 吸引到版主的，是開卡即送首 30 天本地無限上網。。。無限上網呀。卡是 MicoSIM ，寫明給予 3G / 4G 機使用。
▲ 數據收費，其實跟中國移動香港 2G 上網的一樣，不過沒有送 WiFi。開卡才知是 2G 網絡傳送，其實只是 2G 速度，用家一樣可以在 3G 網絡上網，只係速度唔會快過 120kbps。
▲ 在把手機插入手機之前，版主以為它是「MVNO」租用中國移動香港的 2G 網絡，但實際他們是用 CSL，㨂回 One2Free 的 APN，就可以了。
▲ 用 3G 網絡上網會快一點：121kbps。用 2G GSM EDGE，69kbps，不過都係地獄速度。
▲ 若果你的 Budget 有限，早前版主介紹過係 7-11 便利店買到的 $98 儲值卡，開卡送半年每月 300MB 數據量加免費 WiFi，16 蚊一個月，貴呢張卡六蚊。呢張卡送每月 300MB 是 4G LTE 速度，你會揀小心用爆，定係慢到落地獄呢?
▲ 最後有收費資訊。