版主 Lawrence ：最愛 Sony Z3 電量超耐用
之前講過，可能大家會揀 iPhone 6，不過版主用開 Android 手機，所以都係揀返部 Android 機。版主覺得 Sony Z3 是我的至愛之一。雖然大家可能都同版主一樣唔太能夠理解點解 Sony 會相隔半年都唔夠推出兩部屏幕尺吋一樣嘅旗艦機（真係唔知買左 Z2 嘅朋友點諗了⋯⋯），但無可否認 Z3 的確係一部佳作。的確， Sony Z3 缺點其實係有，例如同期推出嘅 Samsung Note 4 甚至早係 6 月推出嘅 LG G3 都已經用上 2k 屏幕，偏偏 Sony Z3 只係用上 FHD 屏幕。處理器上都仍然沿用同 Z2 一樣嘅 Qualcomm Snapdragon 801 ，只係由 2.3 GHz 提升至 2.5GHz 。簡單來講，規格上其實並唔係最頂尖嘅一部，點解版主仍然會揀 Sony Z3 ？原因其實都幾有趣，佢係目前係香港市面上電量最耐用嘅旗艦機之一。版主自己目前都仲係用上年推出的 HTC One M7，老實講到而家表現仍然令人滿意，但電量「倒水」令我非常頭痕，相信唔少朋友都有同樣感受，規格再好再強都好，一嚿「倒水電」足以成為致命傷。早幾日版主虎仔就分享過外國手機網站 Phone Arena 揀選 8 部最佳電池壽命的高階智能手機嘅結果， Sony Z3 就排第 3 ，第一名嘅 Dorid Turbo 香港就買唔到，第 2 名嘅Sony Z3 Compact 都非常唔錯，可惜只得 HD 屏幕，整體規格來亦未及 Sony Z3 。
Sony Z3 相關文章：
升唔升級好 ? Sony Xperia Z3 對比 Z2
達人分享！Sony Xperia Z3 Series 影音技術有幾勁! 慳電效果有幾強!
外媒選出 2014 年智能手機「慳電王」，你部手機有食唔食電?
Sony Xperia Z3 + Z3 Compact 上市！十個你要知的強項
版主 Keith : HTC One Mini 2 就係夠細部
用機講緣份，就算我用開 HTC 手機，到年尾結算，全年用得最多的一部，居然是香港無上過市，就算上市都被人大鬧 1GB RAM 無前途的 HTC One Mini 2。你問我 HTC 今年邊部最好，一定係 M8。電量用一日無問題。UltraPixel 相機再加雙鏡頭，UltraPixel 雖然只能拍四百萬像素相機，但日拍夜攝也是好好。有 D 細位，好似我用過咁多手機，才會發覺 HTC 最好，以影相為例，M8 的 UFocus 景深相片，是眾多品牌裡面最易用的一部，同樣慢動作短片，也是最易拍到的一部。金屬一體成形，手感比起 iPhone 6 更加好。但最後，點解我揀 One Mini 2。原因有三：4.5 吋屏幕的 One Mini 2 我私人覺得是 Perfect Size for Mobile Phone。Tim Cook 創作的 iPhone 6 都係太大部。另外，One Mini 2 用不到 Dotview Cover。Dotview Cover 的點點指示燈，令 HTC 手機有趣好多，不過金屬機加上膠套，Epic Fail！HTC One Mini 2 採用相約的金屬一體機身設計，更細部，一手掌握，Feel the metal！最後原因是緣份，同事愛 M8、實習生愛 Butterfly 2，E8 也另外一位實習生要了。我呢，就係呢部 1GB RAM 手機，無人肯要囉。只有 1GB RAM，真係好致命嗎？我又唔打機，唔睇漫畫，日日係咁用唔覺慢。當然 RAM 越多越好也是事實，不過我受得起！
▲ HTC One Mini 2 比起 M8，巨幕縮細成 4.5 吋，解像度變為 720p。
HTC One M8 相關文章 (One Mini 2 香港無得賣，大家睇番 M8 文章仲好啦)
實習生影片分享：HTC One M8 外觀、介面、相機大不同紐約時代廣場：HTC One M8 挑戰三星 Galaxy S5
HTC One M8 版主上手玩 Hands On + 短評
HTC One M8 雙鏡頭實拍示範 + 跑分成績
版主 Eddie：LG G3 鐳射對焦＋ 2K 芒夠勁！試玩印像最深刻！
記得上年寫 2013 年最強手機，就已經提到了 LG G2 ，今年我就認為 LG G3 係我心目中既最強！點解會揀佢？老實講，佢除左 2560 x 1440 解像度的 5.5 吋屏幕之外，跑分最快不是它（雖然用到 Qualcomm S801 2.5GHz +3GB RAM 已經好勁），前後置相機像素最高不是它，甚至講電量最高都唔係佢，點解版主認為佢係最強呢？首先佢係現時少數有光學防手震相機既機種之一，版主在新加坡試的時侯夜拍都有著不錯的水準，而且鐳射對焦有夠快夠準，方便日常工作使用（要說對焦速度同級機種其實還有 HTC One M8 與 iPhone 6 ）；而 LG G3 整體的續航力相當不錯，比起其他 S801 機種可以用多 1~2 個小時，加上可以換電亦令版主少帶了一顆外置電。而設計方面，承繼了 LG G2 的機背按鍵令它屏佔比特別高，又令機身特別薄身，對於鐘意塞機入褲袋既版主黎講，呢個 Size 真係剛剛好，呢個設計為佢加左唔少分。
當然，有讚係會有彈，我真係麻麻地鐘意果個 LG 自家介面，冇錯自由度係好大，不過亦係好難排得靚
，另外 屏幕敏感度也有點太高，加上機背按鍵的設計，放進口袋無數次自動啟動，這也是較煩人的一點（雖然可以靠 Cover Case 解決）。總結一句：今年玩過既好機真係好多，但我會揀 LG G3 係 2014 最強手機！
▲單手就簡單操控的 5.5 吋手機，就是 LG G3 的一大魅力
LG G3 相關文章：
LG G3 你要知的的十個重點技術LG G3 版主 Hands-on 試跑分
版主 LG G3 於新加坡日夜試拍心得分享
2K 屏幕大戰！ Oppo Find 7 決鬥 LG G3
網友參予：我揀 2014 至愛手機，分享最好有獎品
剛才三位版主都分享了自己的睇法，家陣係網友時間，2014 年邊款手機你最 Like，邊款手機你最愛？為了推動大家參與討論，ePrice.HK 舉行「「2014 年我最 Like，我最愛手機」有獎遊戲。遊戲玩法 ：
1. 網友想一想「2014 年我最 Like，我最愛手機」。如果冇心水，或者拍講錯，可以參考 ePrice 手機資料庫，入面有齊全既手機資料，仲有版主評測的連結。
2. 用 Facebook 留言回應這篇文章，以「2014 年我最 Like，我最愛手機」為題，用少於二百字，講下點解會揀佢，包括使用感受及獨到睇法，並 「發佈到 Facebook」! 截止日期為 2015 年 1 月 1 日 (星期四) 晚上 11 時59 分。網友可同時參加「2014 年我最 Like，我最愛平板」遊戲，機會均等。
3. 參加的網友，必須在 Facebook 回應欄上，按「發佈至 Facebook」(見下圖) 並發送留言，並以 Screen Capture 截圖或相機照片作為紀錄。得獎者需提供 Screen Capture 截圖或相機照片作證。
示範如下圖
▲ 記得在「同時於 Facebook 上發表」加上 「v」並按留言。
4. 比賽日期由 2014 年 12 月 31 日晚上 7 時正至 2015 年 1 月 1 日晚上 11 時 59 分。
5. 獎品有三份：頭獎一名為百老匯電器店禮券一張，總值 $500。安慰獎兩名，超級市場禮券一張，每張 $50。得獎準則為「2014 年我最 Like，我最愛手機」分享中，寫得最好 (包括有見地，有試玩感受）的三名網友。
6. 遊戲結果會在 2015 年第一週內公佈，我們會用 Facebook 私訊方式，與得獎網友聯絡，得獎網友必須在廿四小時內回應，並提供全名，聯絡電話及郵寄地址。廿四小時內不回覆及拒絕提供相關資料，得獎資格會被取消。 ePrice.HK 遵守香港特區政府私隱條例，有關得獎者個人資料只會用作獎品投寄及聯絡之用。
▲ 記得把你的 Faecbook 訊息功能開啟，否則，得左獎都通知唔到你。
7。 得獎者請清楚回應人名、地址及聯絡方法，我們會在兩星期內，以本地掛號郵件寄出獎品，並不會對郵政局寄失或其他意料不到的事件已令寄出的獎品有誤負責。得獎者亦可以選擇星期一至五，非公眾假期，下午六時至七時，到旺角指定地點真人領取獎品，領獎期為兩星期，兩星期後，得獎資格會被取消。
8. 遊戲結果及規則，ePrice.HK 保留最終決定權，參予者及得獎者，不得異議。