樂視移動正式啟動！樂視：用創意、服務打造全新手機體驗
今日樂視的發佈會其實一早講左唔會出硬件，傳聞的 Qualcomm S810 加 2K 屏幕手機仍然未現身，而今日的發佈會主題係講 Mobile UI ，版主對這方面還有一點期望的。不過整個發佈會的內容都係關於樂視會係咩方向打造手機。當中談到，智能手機市場已經達到一個飽和的狀態，有人應為是變成了一片「紅海」，大家都係度爭規格同埋價錢方面，忽略左服務。佢地認為現時手機市場有一些傳統的大品牌，亦有一些靠網絡行銷冒起的品牌，而他們的目前是在手機市場「第三極化」，利用大量的網絡資源、服務去打造手機品牌。當然他們有談到，樂視手機除了會有高性價比之外，主要的重點就在於自家的 LEUI 樂視系統，但這次的發佈會沒有深入談到系統可以怎樣，連一張手機系統的截圖都沒有…大家只能靠幻想去腦補啦
。不過講到服務當然手機會支援到樂視的影片資源啦，在最後問答環節中亦透露口風，會為手機打造一個「平價流量睇片」的方案，不過佢地合作商暫時只係大陸的移動與聯通，係咪支援到香港就不得而知啦。根據樂視移動今日所講，佢地手機可以量產化上市已經去一個「倒數階段」，我諗網友們都等得好心急，都係果句：拭目以待啦。
▲樂視用超過 1000 人的團隊去打造手機市場
▲樂視手機的一個重點是整合不同方面的服務，去提供一個「樂視生態」
▲講左樂視的造工強大，叫大家期待樂視手機的現身
▲點樣去整合？當然就係用到雲端
▲有提到樂視 UI 系統，到底會不會和 Android 與 iOS 有很大的不同？又冇提到
