中聯通大反擊!中港 4G 月費計劃完勝對手?
老實講,今次中聯通全新中港 4G 月費計劃其實相當有睇頭,版主個人相信往後兩間大陸網絡商仲有排鬥。基本上,中聯通的中港 4G 月費計劃係一個 SIM Only 方案,同 CMHK 帶機上台其實差不多。一樣係分為 4 種數據用量可以選擇。純以月費計劃價錢來計,中聯通 ,除左 1GB 月費之外,其他都比對手更平,不過唔算明顯,未必能夠一下子吸引到人使用,但細心留意計劃的細節的話,可以見到中聯通優勢唔止係月費平少少。以下版主會列點講001 行政費減半:係人都知選用月費計劃都要比行政費,而且到到都係 $18 ,但中聯通新 Plan 係合約期內就會減一半行政費,計返兩年合約期就會減左 $216 ,亦令到月費計劃比對手更平。
002 減免中國內地號碼月費:因為中聯通可以自選中國內地號碼,所以係會收 $10 「內地號碼月費」,但係新 plan 月費優惠一樣有減免,計埋兩年合約期支出會少左 $240 。
003 唔一定要用中港 4G 機:呢點好多人都知,使用 CMHK 服務在大陸用 4G上網的話,手機如果唔完全支援大陸 TD LTE 頻段,都會好麻煩。(幸好而家中港 4G 已經成為旗艦機基本要求)而中聯通在大陸就以 FDD LTE 的 Band 3(1800) 作為主頻,所以中聯通大陸 4G 服務,唔支援 TD LTE 的手機都可以用到。
最後就係中國聯通 中港 4G 月費計劃同 CMHK 4G Pro中港服務計劃價錢比較。要留意,係加上每月 $18 行政費的情況下:
CMHK 兩年期月費分別係 1GB $186、 3GB $246 、6GB $306 同埋 10GB $436
中聯通 兩年期月費分別係 1GB $185 、 2.5GB $235、6GB $285 同埋 10GB $415
▲ 先看看 CMHK 月費計劃。
▲再來中聯通月費計劃。
參考:中聯通官網