7 地合據共用！中聯通新 Plan 有咩賣點？
以往中港 4G 數據共用 Plan ，甚至係港澳 4G 數據共用服務，大家都聽得多。不過大陸、台灣、澳門、香港、日本、澳洲、新加坡數據共用，大家應該未聽過吧？今次聯通推出的「7 地合 1」月費 plan ，嚴格而言其實係大中華 Plan 比較準確。因為在計劃內容當中，只有大中華地區係免費共用 Data ，而其餘三地就要加錢的，而數據用量就一樣有 1GB 、 2GB、 5GB 、同 10GB 選擇。不過，細心留意計劃的細節的話，中聯通新 Plan 其實都有唔少可取之處，以下版主都係列點講。001：行政費繼續減半＋減免中國內地號碼月費：同之前中港 4GB Plan 一樣，「7 地合 1」數據 plan 除左係合約期內唔使比 $10 「內地號碼月費」，用信用卡自動轉賬，一樣可以行政費半價，即係每月$9 。
002：7 個地區大部份地方能使用 4G：叫得做數據 Plan ，到底用 4G 還是 3G 當然最多人關心。根據官方資料，除左香港之外，大陸、台灣、新加坡同澳洲都有 4G 網絡，而澳門及日本就有 3G 網絡。雖然不是 7 地都有 4G ，但都算大部份地區用到 4G 嘅。
003: 日本、澳洲、新加坡三地收費要留意：雖然話要留意，但其實中聯通收費方式是個人認為是幾好的。上面提到「7 地合 1」月費 plan 即係大中華 Plan ，因為日本、澳洲、新加坡三地係要登記國際漫遊服務才會啟動，而且每個地區需要每月加 $38 蚊。不過呢 $38 蚊，只係在用家在指定地區使用數據用量後才會收取，不使用就不會收費，算係公道啊！
▲同之前中港 4G Plan 一樣，今次「7地合 1」一樣有行政費減半等優惠。
價錢方面抵唔抵？
再來就係價錢方面了，中聯通話到明係「首創 7 地數據全月共用」，香港目前亦未有其他網絡商推出過大中華月費計劃，版主唯有用中聯通早前推出的中港 4G 數據 Plan 做對比。目前中聯通兩個 Plan 都做緊「SIM Only」優惠月費，敝除行政費的話，中港 4G Plan 最平月費是 $176 (1GB 用量)，而「7 地合 1」 plan 1GB 月費就要 $268。最貴的 10GB 數據用量，中港 4G Plan 月費是 $406，而「7 地合 1」數據 plan 就要 $598。
▲首先來看看中聯通的中港 4G plan 月費。
▲ 再來是「7地合 1｣數據 Plan ，可以見到日本、澳洲、新加坡三地都要另外加錢先可以做到數據共用的。
比較完價錢，我哋可以得出一個結論，就係中聯通新的「7 地合 1」數據 plan，係同樣的數據用量之下，價錢可能比其他台還要貴（好似 10GB Plan 即使是 csl 都只係 $438）。不過，能夠在如此多地方（當中不乏港人常到地點，好似台、日、澳門）都做到數據用量共用的，暫時又真係只得中聯通。所以版主就認為，「7 地合 1」數據 plan 抵唔抵，好大程度取決於閣下是否經常到大陸、台灣、日本、澳洲、新加坡等地方。不過無論如何，中聯通的「7 地合 1」 plan 能夠以一個月費，在海外多個地方共用數據，以創新程度而言都叫嬴左嘅。
參考：中聯通官網