開心電訊返來了
唔知大家對「開心電訊」感覺係乜？呢排佢地推得最多係漫遊數據卡。網友最記得，應該係版主上年試嘅地獄上網速度嘅「話音王」(已絕版)。呢張「香港本地數據卡」都係佢地推出。睇睇佢地收費模式，感覺係跟 CMHK 藍卡 (4G / 3G 數據及話音儲值卡) 對住幹。開卡首十日上網係免費嘅，之後 $48 十日上網，扣兩次 $96，加埋 $2 行政費，剛剛用光! 所以一張卡用到三十日。開了卡，睇睇說明已見第一個伏，原來有 FUP，仲要係三十日計算 1GB 後限速 128kbps。不過，FUP 又未必會執行嘅，Hemat 卡就係最好例子，係伏定係有驚喜，要試過先知。
▲ 開心電訊 Happy Telecom 呢張「香港本地數據卡」定位跟 CMHK 藍卡好相似。
開心電訊買過唔少網絡商嘅頻寬提供服務，今次呢張「香港本地數據卡」用嘅 APN 係 3gnet 可想而知，佢地今次係租「中國聯通香港」，再 search 網絡，原來用舊 PCCW 3G 。咁大大隻字寫住 21 又有冇網21Mbps 網速？答案係無。版主係唔同嘅 Location 去試，唔好講近乎 21Mbps 其實大部份時間得 1Mbps 網速。再睇睇 ping 唔算高，相信跟本係限左速去 1Mbps 左右。呢張卡最伏係 21 呢個數字，無解釋亦無講係 21日定 21Mbps。但 FUP 部份，其實唔算嚴。寫明唔比網絡分享，但版主大部份時間都係tethering，使用上無問題。咁係咪1GB 用爆即限 128kbps？呢張卡，首三日版主也插在華為 MediaPad T2 Pro 當 Tethering 給自己的手機及電腦上網使用，全日狂操，大約用每日用 1GB。為了快快破 5GB 用量作第一關，版主係第四日以「樂視盒子」連入，以 360kbps 畫質，睇了四小時，最後成功用爆左呢張卡。我計過，真正打你入地獄 128kbps 速度大約係 4GB 用量之後。
▲ 研究過呢張卡封面 21 呢個字，代表什麼？睇晒成份說明書，都無講過。開心電訊 Happy Telecom 呢張「香港本地數據卡」面值 $98，但實際深水埗北河街 SIM 檔，賣$45 - $50 左右，標榜可以三十日上網。
▲ 說明寫了用中國聯通香港嘅 APN: 3gnet (有些手機會被誤為了3gwap，但會上唔到網)，並要開漫遊數據。說明書寫了 FUP 公平使用量為 1GBps ，之後 128kbps，但版主試過，其實 FUP 大約為 4GB。
▲ 版主試了好次，速度都只有 1Mbps 左右。有時更差。
▲ 大約上網速度就是這樣。
小結：$45 / 4GB 一個月上網
總括而言，呢張「開心電訊」「香港本地數據卡」封面嘅 21 字樣，係好鬼假的。但 $45 賣價，裡面 $98 面值，又真係可以用到 4GB 用量！而速度亦係 1MBbps。對比起 CMHK 藍卡，只要你唔係真係用過 4GB 係速度上，都係比較好。 CMHK 藍卡其實只五月底起，已無提及「首十日 4G Lite 免費上網」捱到幾耐，若果CMHK 藍卡「首十日」完結，呢張「開心電訊」「香港本地數據卡」可能係一張平價係 Replacement。
▲ CMHK 呢張 4G/3G 數據及話音儲值卡，係 CMHK 網店有孖裝賣，賣價為 $112，即每張約 $56！貴不得深水埗 SIM 檔減價至 $50 搶客。$50 開 30 日 4G Lite ! 抵玩。